تۇرعىنداردىڭ سۇراعىنا جاۋاپ بەرە كەلە, قالا اكىمى ۆاكتسيناتسيانىڭ قالاي ءوتىپ جاتقانىنا توقتالدى.
ء«بىزدىڭ كازكوۆيد بويىنشا ەكى مىڭداي ەرىكتى ازامات ەكپەدەن ءوتتى. ەكى ۋكولىن دا الدى. ەشقانداي قيىن جاعدايلار بولعان جوق. ازداپ جاناما اسەرلەر بولعانىمەن, باسقاسىنىڭ ءبارى دۇرىس», - دەدى باقىتجان ساعىنتاەۆ. ول كۆوتا بويىنشا ءبىرىنشى جارتىجىلدىقتا الماتىدا ءجۇز ەلۋ مىڭ دوزانىڭ قابىلداتىنىن ايتتى.
قازىر ۆاكتسينالاردى ينفەكتسيالىق ستاتسيونارلاردىڭ, جەدەل جاردەمنىڭ دارىگەرلەرى, ەمحانالاردىڭ ءفيلترلى جانە قىزىل ايماقتاردا جۇمىس ىستەيتىن دارىگەرلەرى مەن مەدبيكەلەرى, سونداي-اق سانيتارلىق-ەپيدەميولوگيالىق قىزمەتتىڭ قىزمەتكەرلەرى الادى.
2 ناۋرىزدان باستاپ پوليتسيا قىزمەتكەرلەرى, اسكەري قىزمەتكەرلەر, ورتا مەكتەپتەردىڭ, جوعارى وقۋ ورىندارىنىڭ مۇعالىمدەرى, مەديتسينا قىزمەتكەرلەرى ۆاكتسينالاۋدان وتەدى. ءساۋىر ايىنان باستاپ مەكتەپ-ينتەرناتتاردىڭ, مەكتەپكە دەيىنگى مەكەمەلەردىڭ مۇعالىمدەرى, وقۋشىلار جانە سوزىلمالى اۋرۋلارى بار ادامدار ەگىلەدى.
ءارى قاراي تىلەك بىلدىرگەن ازاماتتار ۆاكتسينا الا الادى. ۆاكتسينا تەگىن جانە ازىرشە ۆاكتسينالاۋعا اقشا قاراستىرىلماعان.
ەسكە سالساق, بۇگىن الماتى قالاسىنىڭ اكىمى باقىتجان ساعىنتاەۆتىڭ ەكىنشى ەسەپ بەرۋ كەزدەسۋى پاندەمياعا بايلانىستى ونلاي فورماتتا وتۋدە. سۇراقتار قويۋعا نيەت بىلدىرگەندەردىڭ بارلىعىنا 1308 بىرىڭعاي جەلى تەلەفونى جۇمىس ىستەيدى. سونداي-اق, سۇراقتاردى Whatsapp 8 777 046 33 33 نومىرىنە جىبەرۋگە نەمەسە الەۋمەتتىك جەلىلەردەگى ەسەپ بەرۋ كەزدەسۋىنىڭ ترانسلياتسياسى بويىنشا تۇسىنىكتەمەلەردە قالدىرۋعا بولادى. تۇرعىندار ءوز سۇراقتارىن ەفير كەزىندە قولجەتىمدى بولاتىن ZOOM كومەگىمەن دە قويا الادى. سونىمەن قاتار, سەگىز اۋداندا تۇرعىندار بارلىق سانيتارلىق نورمالاردى ساقتاي وتىرىپ, ءوز سۇراقتارىن قويا الاتىنداي ارنايى ورىندار قاراستىرىلدى. ونلاين كورسەتىلىم Facebook جانە قالالىق اكىمدىكتىڭ, «الماتى» ارناسىنىڭ, OpenAlmaty جانە StopCOV سايتىندا كورسەتىلەدى.
