ايماق باسشىسى كەنتاۋ-تۇركىستان باعىتىنداعى «باتىس ەۋروپا – باتىس قىتاي» اۆتوجولى ارالىعىنداعى ارىس-تۇركىستان كانالىندا ورنالاسقان كوپىردىڭ قۇرىلىس جۇمىسىمەن تانىستى. جاۋاپتى تۇلعالارعا بىرقاتار تاپسىرما بەرىپ, قۇرىلىس قارقىنىن كۇشەيتۋدى تاپسىردى. اتالعان اۋماقتا جاياۋ جۇرگىنشى جولىنىڭ دا ادامدار ءۇشىن ىڭعايلى, جارىق بولۋى قاراستىرىلعان. اتاپ ايتقاندا, اۆتوكولىك جولىنان بولەك 2 مەتردەن جۇرگىنشى جانە مۇمكىندىگى شەكتەۋلى جاندار ءۇشىن پاندۋس قويۋ قاراستىرىلعان. ودان وزگە, شاعىن ارحيتەكتۋرالىق پىشىندەر, جارىقشام, ورىندىق, قورشاۋ جانە قوقىس جاشىكتەرى بولادى.
ومىرزاق شوكەەۆ ب. ساتتارحانوۆ داڭعىلى بويىنداعى «جەلىلىك ساياباق» پەن «تۇركى باعىندا» بولدى. بۇگىنگى تاڭدا مۇندا ءۇشىنشى كەزەڭىنىڭ جۇمىسى ءجۇرىپ جاتىر. قازىرگى ۋاقىتتا سۋبۇرقاقتارعا ارنالعان ورىندى رەتكە كەلتىرۋ ج.رگىزىلىپ جاتىر. اۋماعى 15 گەكتار دەمالىس ورنىنا 190 جۇمىسشى مەن 80 تەحنيكا جۇمىلدىرىلعان. ال, تۇركى باعىندا ارت-قابىرعالار ورناتىلىپ, قۇرعاق سۋبۇرقاق سالىنادى. ءوڭىر باسشىسى اتقارىلىپ جاتقان جۇمىستىڭ ساپالى ورىندالۋىن ەسكەرتىپ, تۇرعىنداردىڭ قولايلىلىعى ءۇشىن بارلىق قاجەتتى جاعدايدىڭ جاسالۋىن تالاپ ەتتى.
ودان سوڭ, تۇركىستان قالاسىنداعى بىرەگەي جوبا «كەرۋەن ساراي» كەشەنىن ارالاپ كوردى. بۇگىندە اۋماعى جاسىل جەلەكتى, ۆەلوسيپەدپەن سەرۋەن قۇرىپ جانە جاياۋ جۇرگىنشىگە ىڭعايلى بولۋى ءۇشىن جارىقشام, ورىندىق, قوقىس جاشىگى, سونداي-اق, كوگال, سۋ ارناسى, تاسجول توسەلۋ ارقىلى جاڭارعان كوشەگە اينالماق. ءوڭىر باسشىسى وبلىستىق عىلىمي-امبەباپ كىتاپحاناسى مەن «تۇڭعىش پرەزيدەنت ساياباعى» دەمالىس ايماعىندا جۇرگىزىلىپ جاتقان جۇمىستاردى باقىلادى. كەزەك كۇتتىرمەيتىن جۇمىستاردى مەرزىمىندە تاپسىرۋدى جۇكتەدى.
