«سوت القاسىن قالىپتاستىرۋ جانە قىسقارتۋ ماسەلەسى نەگىزىنەن وبلىستىق سوتتار دەڭگەيىنە قاتىستى عوي. بۇل ءوز الدىنا ۇلكەن ماسەلە. نە بولىپ جاتىر؟ ءوزىڭىز ايتقانداي, ادەتتە جوعارعى كەڭەستىڭ پلەنارلىق وتىرىسىنىڭ شەشىمىمەن, جوعارعى سوت توراعاسىنىڭ ۇسىنۋىمەن ورىندالادى ەكەن. ءبىزدىڭ ويىمىزشا بۇل دۇرىس ەمەس. بۇل ەڭ نەگىزگى قاعيداتتى بۇزادى. ال ەڭ نەگىزگىزگى قاعيدات – سۋديالاردىڭ تاۋەلسىزدىك قاعيداتى. بۇل جاعدايدا وبلىستىق دەڭگەيدەگى سوتتىڭ توراعاسىنا دا, سۋديالارىنا دا قىسىم كورسەتۋدىڭ بەلگىلى ءبىر قۇرالى پايدا بولادى. جوعارعى سوت توراعاسى ۇسىنعان شەشىم بويىنشا سوت القاسىن قۇرۋعا دا, قىسقارتۋعا دا بولادى دەپ وتىرسىز. بۇدان كەيىن قانداي تاۋەلسىزدىك تۋرالى ايتۋعا بولادى؟ سوندىقتان مەن پروفيلدىك كوميتەت دەپۋتاتتارىنا اتالمىش نورمانى پىسىقتاۋ تۋرالى نەگىزدەلگەن ماسەلە كوتەرۋدى تاپسىرامىن. قانات سەرگەي ۇلى, ەكىنشى وقىلىمعا دەيىن وسىنىڭ ءبارىن ەسكەرە وتىرىپ, وسى نورمالاردى پىسىقتاپ شىعۋ كەرەك», دەدى نۇرلان نىعماتۋلين.
