وسى تۇستا اسقار مولدابەك الەمدى جاۋلاعان ىندەت كەزىندە قور تاراپىنان بىرقاتار جۇمىستار اتقارىلعانىن باياندادى.
«جالپى ءبىزدىڭ قور بالالاردى رەابيليتاتسيالىق-تۇزەتۋ, دامىتۋ جۇمىستارىمەن اينالىسادى. بۇگىندە تىرەك-قيمىل اپپاراتى بۇزىلعان 120-130 بالاعا قىزمەت كورسەتىپ كەلەمىز. بۇدان بولەك, ەلىمىزدە جاريالانعان توتەنشە جاعداي كەزىندە قوردىڭ اتىنان مەديتسينا مەكەمەسىنە يۆل اپپاراتتارى مەن تۇرعىندارعا ءدارى-دارمەك, ازىق-ت ۇلىك ۇلەستىرىلدى», دەدى قور ديرەكتورى.
قور ديرەكتورىنىڭ ايتۋىنشا, 2021 جىلى قامقورلىققا الىناتىن وتباسى سانىن 70 وتباسىعا دەيىن ارتتىرۋ كوزدەلىپ وتىر. سونىمەن قاتار, «جارقىن بولاشاق» باعدارلاماسىن باستاۋ, ءار ماۋسىمدا «قايىرىمدىلىق كونتسەرت» ۇيىمداستىرۋ, اعاش وتىرعىزۋ سىندى ءىس-شارالاردى وتكىزۋ جوسپارلانۋدا.
ىزگىلىكتى ىستە ەل ازاماتتارىنىڭ شەت قالمايتىنىن ايتقان قالا اكىمى, ءبىر عانا ارىس پەن ماقتاارالدا ورىن العان اپاتتىڭ سالدارىن جويۋدا ءبىزدىڭ ەلىمىز جۇدىرىقتاي جۇمىلعانىن, ال پاندەميا كەزىندە قوعام بىرلىگىن تاعى دا كورسەتكەنىن اتاپ ءوتتى.
قايىرىمدىلىق قورلارى ارقىلى تۇرمىسى تومەن وتباسىلارعا كوپتەگەن كومەك بەرىلۋدە. وسى باعىتتاعى جۇمىستاردى ۇيىمداستىرىپ, ازاماتتارعا قولداۋ كورسەتىپ وتىرعان قور ۇجىمىنا قالا باسشىسى العىسىن ايتتى.
