مەديتسينا • 16 اقپان، 2021

ەل قۇرمەتىنە بولەنگەن دارىگەر

724 رەت كورسەتىلدى

گۋلجاحان ماحامبەتوۆانى كوپشىلىك «بالالاردىڭ سۇيىكتى دارىگەرى» دەپ اتايدى. بىلىكتى مامان شىمكەنت قالاسىنداعى بالالار كلينيكالىق اۋرۋحاناسىنداعى نەۆرولوگيا ءبولىمىنىڭ مەڭگەرۋشىسى جانە قر بالالار نەۆرولوگتارى قاۋىمداستىعىنىڭ مۇشەسى.

ول 22 جىلدان بەرى اۋىر دەرتكە شالدىققان بالالاردى ەمدەپ كەلەدى. ءبىر جىل ىشىندە ەكى مىڭنان اسا بالانى اۋىر دەرتتەن ايىعۋىنا كومەكتەسكەن دارىگەردى ارنايى ىزدەپ كەلىپ ەم الۋشى ناۋقاستار كوپ. حالىقتىڭ قۇرمەتى مەن ىقىلاسىنا بولەنگەن مەديتسينا عىلىمىنىڭ ماگيسترى 2019 جىلى «EL QURMETI» توسبەلگىسىمەن ماراپاتتالدى.

گۋلجاحان سايدۋللاقىزى جوعارعى تەحنولوگيالاردى قولدانا وتىرىپ، ساپالى مەديتسينالىق قىزمەت كورسەتۋ ارقىلى بالالاردىڭ دەنساۋلىعىن جاقسارتۋ ماقساتىندا ەڭبەك ەتۋمەن قاتار، ءوزىن دامىتۋدى قاتار الىپ جۇرگەن.

2017 جىلى سانكت-پەتەربۋرگ قالاسىندا «جۇيكە-بۇلشىقەت پاتولوگياسىنىڭ دياگنوستيكاسى مەن ەمدەۋىنىڭ زاماناۋي تۇجىرىمدامالارى» حالىقارالىق عىلىمي كونفەرەنتسياسىندا تاجىريبە الماسىپ، ءوز بىلىكتىلىگىن شىڭداعان. دارىگەردىڭ بۇگىنگە دەيىن 42 عىلىمي جانە ادىستەمەلىك ەڭبەگى جارىق كورگەن.

قازىرگى تاڭدا ءوز ماماندىعىنا بەرىلگەن اق حالاتتى ابزال جان بالالار ساۋلىعى ءۇشىن عىلىمي ىزدەنىس جولىن جالعاستىرىپ كەلەدى.

سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار