«جولاۋشىلار تاسىمالى سالاسى ايتارلىقتاي جاڭعىرتىلدى. بۇگىن ەكولوگيالىق تازا وتىنمەن جۇرەتىن 41 جاڭا اۆتوبۋس جولعا شىقتى. №45, 70 سياقتى باعىت بويىنشا قاتىنايتىن اۆتوبۋس پاركىن جاڭارتامىز. سىيىمدىلىعى 90 ادامعا ارنالعان ءۇش ەسىكتى 12 مەترلىك جاڭا اۆتوبۋستاردا مۇمكىندىگى شەكتەۋلى ازاماتتارعا ارنالعان جىلجىمالى پلاتفورما بار. اۆتوبۋستار بەينەباقىلاۋ, جولاۋشى اعىنىن ەسەپتەيتىن اۆتوماتتى جۇيە جانە جۇرگىزۋشىنىڭ جاعدايىن باقىلايتىن داتچيكپەن جابدىقتالعان», دەپ جازدى ب. ساعىنتاەۆ.
ونىڭ ايتۋىنشا, «الماتىەلەكتروترانس» كوممۋنالدىق اۆتوپاركى بارلىعى 150 اۆتوبۋستى جەتكىزۋگە كەلىسىمشارت جاساعان. قالعان 109-ى جاقىن ارادا كەلەدى.
سونداي-اق جەكە تاسىمالداۋشىلار 83 اۆتوبۋس, سونىڭ ىشىندە 38 ەلەكتروبۋس ساتىپ الۋدى جوسپارلاپ وتىر. وسىلايشا بيىل جولاۋشىلار تاسىمالى پاركى 233 ەكولوگيالىق تازا كولىكپەن جاڭارتىلادى.
