قوعام • 16 اقپان، 2021

جولاۋشىلار پويىزىندا قىز بالا دۇنيەگە كەلدى

81 رەت كورسەتىلدى

«سارىاعاش-نۇر-سۇلتان» باعىتىنداعى №85 جولاۋشىلار پويىزىندا قىز بالا دۇنيەگە كەلدى، دەپ حابارلايدى Egemen.kz

«جولاۋشىلار تاسىمالى» كومپانياسى ءباسپاسوز قىزمەتىنىڭ مالىمەتىنشە، 14 اقپانىندا پويىز جولاۋشىسى اناستاسيا گرانكينا «تاراز – پاۆلودار» باعىتى بويىنشا جولعا شىققان. جول بويىندا كيىك-بوساعا ۋچاسكەسىندە جولاۋشى №11 ۆاگوننىڭ جولسەرىگى ۇلتۋار يبراگيموۆادان كومەك سۇراپ، جۇكتىلىكتىڭ توعىزىنشى ايىندا ەكەنىندىگىن جانە تولعاعى باستالعاندىعىن حابارلادى.

«پويىز بريگاداسىنىڭ قىزمەتكەرلەرى بوسانعان ايەلگە العاشقى كومەك كورسەتۋ بويىنشا بارلىق قاجەتتى شارالاردى قابىلدادى. جاقىن ستانساعا جەدەل جاردەم شاقىرىلدى. مەديتسينا قىزمەتكەرلەرى كەلگەنگە دەيىن پويىز باستىعىنىڭ مىندەتىن اتقارۋشى الديار تەڭگەشەۆ پەن شتاب ۆاگونىنىڭ كەزەكشى جولسەرىگى زينا كۇنىسباەۆا جولاۋشىعا بوسانۋ كەزىندە كومەك كورسەتتى. 14.53-تە اقادىر ستانساسىنا جاقىنداعان شاقتا دۇنيە ەسىگىن اشقان قىز بالانىڭ ەسىمىن ءامينا دەپ قويدى»دەلىنگەن حابارلامادا.

پويىز اقادىر ستانساسىنا كەلگەننەن كەيىن جەدەل جاردەم قىزمەتكەرلەرى جاڭا تۋعان نارەستەنى جانە سول بالانىڭ اناسىن قاراپ شىقتى. بالانىڭ جاعدايى قاناعاتتانارلىق بولدى، اناسى اۋرۋحاناعا جاتقىزۋدان باس تارتتى جانە ولار سوڭعى ستانساعا دەيىن جول ءجۇرىپ كەتتى.

ەسكە سالا كەتسەك، كولىك پوليتسەيلەرى پويىزدا كەتىپ بارا جاتقان جۇكتى ايەلدىڭ بوسانۋىنا كومەكتەستى.

سوڭعى جاڭالىقتار

جارىس پەن تابىس

ەكونوميكا • بۇگىن، 00:00

اقىلدىڭ ازابى

تاريح • كەشە

مەيرامحانالار جانە پاندەميا

كوروناۆيرۋس • كەشە

جۇرت جاعاجاي ىزدەپ ءجۇر

ايماقتار • كەشە

ۇقساس جاڭالىقتار