وقيعا بۇگىن, 15 اقپاندا جەرگىلىكتى ۋاقىتپەن ساعات 18.10 شاماسىندا بولدى. وبلىس ورتالىعىندا ورنالاسقان قورقىت اتا كوشەسىنىڭ بويىنداعى تەمىرجولدىڭ استىنان وتەتىن كوپىر ماڭىندا شاعىن اۆتوبۋس ورتەنگەن.
«وقيعا ورنىنا № 2 مامانداندىرىلعان ءورت ءسوندىرۋ بولىمىنەن 1 تەحنيكا 5 قىزمەتكەر باردى. ماماندار بارعان ساتتە «Mitsubishi» ميكرواۆتوبۋسى جانىپ جاتقان. وندا مىنگەن جولاۋشىلاردىڭ بارلىعى امان. ءورت 18:18-دە ءسوندىرىلدى», دەپ ءمالىم ەتتى قىزىلوردا وبلىستىق توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنەن.
سونداي-اق, بۇدان بۇرىن قىزىلوردادا رەسەيگە كەتىپ بارا جاتقان جۇك كولىگى تولىق ورتەنىپ كەتتى.
