ساۋدا-ساتتىقتىڭ قورىتىندىسى بويىنشا 12 اقپاندا تەڭگەنىڭ نارىقتىق باعامى اپتا ىشىندە 0,4%-عا نىعايىپ, ءبىر اقش دوللارى ءۇشىن 418,86 تەڭگە بولدى. سىرتقى ۆاليۋتا نارىعىندا 2021 جىلعى 5 – 12 اقپان ارالىعىنداعى كەزەڭدە دامۋشى ەلدەر ۆاليۋتالارىنىڭ سەرپىنى اقش-تا ىنتالاندىرۋ توپتاماسىن قابىلداۋ جانە كوروناۆيرۋسقا قارسى ۆاكتسيناتسيانى قامتۋدى كەڭەيتۋ جونىندەگى كۇتۋلەردىڭ ناتيجەسىندە وڭ بولدى. ۇلىبريتانيا ۇكىمەتى ەلدە Covid-19-دى جۇقتىرۋدىڭ قىسقارعانىنا سەنىمدى ەكەنىن ءبىلدىردى, 14 ملن-نان استام ادام العاشقى ەكپەنى الدى. اقش-تا شەكتەۋ شارالارى جەڭىلدەتۋ جوسپارلانعان مەرزىمنەن بۇرىن ەنگىزىلۋدە. فەدەرالدىق رەزەرۆتىك جۇيەنىڭ توراعاسى دجەروم پاۋەلل قالپىنا كەلتىرۋدى قولداۋ ءۇشىن جەڭىلدەتىلگەن اقشا-كرەديت ساياساتى مەن قوسىمشا قارجىلىق ىنتالاندىرۋدىڭ قاجەت ەكەنىن تاعى دا مالىمدەدى.
دامۋشى ەلدەر ۆاليۋتالارىنىڭ اقش دوللارىنا قاتىستى باعامدارىنىڭ سەرپىنى تومەندەگىدەي قالىپتاستى:
-وڭتۇستىك افريكا راندى ينۆەستورلاردىڭ تاۋەكەل دارەجەسىنىڭ جاقسارۋى, سونداي-اق ەل پرەزيدەنتى جاڭارتىلاتىن ەنەرگيا كوزدەرىن دامىتۋ تۋرالى جاريالاعان جولداۋى اياسىندا 2%-عا (14,84-تەن 14,55-كە دەيىن) نىعايدى
- رەسەي ءرۋبلى مۇناي باعاسىنىڭ ءوسۋى اياسىندا 1,4%-عا (74,65-تەن 73,64-كە دەيىن) نىعايدى. رف وب نەگىزگى مولشەرلەمەنى 4,25% دەڭگەيىندە ساقتاۋ تۋرالى شەشىم قابىلدادى, سونداي-اق اقشا-كرەديت ساياساتىن جەڭىلدەتۋ تسيكلىن اياقتاعىسى كەلەتىنى تۋرالى مالىمدەدى;
- مەكسيكا پەسوسى اقش دوللارى باعامىنىڭ جاھاندىق السىرەۋى اياسىندا 0,7%-عا (20,09-دان 19,95-كە دەيىن) نىعايدى. رەتتەۋشى ەكونوميكانى ىنتالاندىرۋ ماقساتىندا تۇراقتى ينفلياتسياعا بايلانىستى مولشەرلەمەنى 4%-عا دەيىن تومەندەتتى;
- تۇرىك ليراسى تاۋەكەل-سەنتيمەنتتىڭ جاقسارۋى اياسىندا 0,4%-عا (7,06-دان 7,03-كە دەيىن) نىعايدى. ايىرباس باعامىنىڭ نىعايۋ سەرپىنىنە بايلانىستى شەتەل ۆاليۋتاسىندا قورلاندىرۋ قۇنى ايتارلىقتاي تومەندەدى, كرەديتورلار ازاننان باستاپ شامامەن $2 ملرد تارتتى;
ءۇندى رۋپياسى 0,2%-عا (72,93-تەن 72,76-عا دەيىن) نىعايدى. ۇكىمەت ايقىندىلىقتى ارتتىرۋ ماقساتىندا 2020 جىلعى رەكوردتىق 9,5% بيۋدجەت تاپشىلىعى تۋرالى جانە 2021 جىلعى 6,8% بولاتىنى تۋرالى بولجامىن حابارلادى. بۇرىن كۆازيمەملەكەتتىك سەكتوردان قارىز الۋ بويىنشا بيۋدجەتتىڭ بالانستان تىس باپتارىن ەنگىزۋ ەسەبىنەن كورسەتكىشتەر تومەن بولدى;
-برازيليا رەالى اپتا ىشىندە وزگەرگەن جوق, 5,38 دەڭگەيىندە قالدى.
