شىعىس قازاقستان وبلىستىق توتەنشە جاعدايلار دەپارتامەنتى حابارلاعانداي, وقيعا ورنىنا ءورت سوندىرۋشىلەر كەلىپ جەتكەندە ءتىلسىز جاۋ كىرەبەرىستىڭ اعاش قۇرىلىمدارىن, شاتىردى, ەسىكتى, جەكە زاتتار مەن جيھازدى شارپىپ جاتتى. جالىن شارپىعان اۋماق – 28 شارشى مەتر.
«قۇتقارۋشىلار ءۇي ىشىنەن 1949 جىلعى اجەنىڭ دەنەسىن تاپتى. ول ءيىس ءتيىپ كوز جۇمعان. الدىن الا مالىمەت بويىنشا ءورتتىڭ شىعۋىنا – ەلەكتر جابدىقتارىن مونتاجداۋ جانە پايدالانۋ كەزىندە ءورت قاۋىپسىزدىگى تالاپتارىنىڭ ساقتالماۋى سەبەپ بولدى» دەلىنگەن حابارلامادا.
ايتا كەتەيىك, وبلىستا 12 مەن 15 اقپان ارالىعىندا جەر ۇيلەردە 9 ءورت بولعان.
