وسىلايشا, قازاقستانداعى ءۇي توقىما ءوندىرىسى بويىنشا ءىرى مامانداندىرىلعان تىگىن فابريكاسى – «اگف گرۋپپ» وك» جشس باسشىلىعىمەن كەزدەسۋدە كاسىپكەرلەر ەۋروپالىق وداق ەلدەرى مەن سولتۇستىك امەريكا ەلدەرىنىڭ نارىقتارىنا شىعۋعا كەدەرگى كەلتىرەتىن توسقاۋىلدار, شەكتەۋلەر مەن كەدەرگىلەر تۋرالى ايتىپ بەردى. «اگف گرۋپپ» وك» جشس الدىڭعى قاتارلى حالىقارالىق ساپا ستاندارتتارىنا سايكەس كەلەدى دەپ تانىلدى جانە 2015 جىلدان باستاپ رەسەيدەگى يكەا-مەن ىنتىماقتاسادى, ءۇي توقىماسىن ءوندىرۋدى جانە جەتكىزۋدى جۇزەگە اسىرادى.
Hyundai Trans Kazakhstan زاۋىتىن ارالاۋ بارىسىندا اۆتوموبيل بولشەكتەرى ءوندىرىسىن وقشاۋلاۋ, ەكسپورتتاۋشىلاردىڭ شىعىندارىن وتەۋ جانە ەكسپورتتى ۇلعايتۋ ماسەلەلەرى تالقىلاندى.
«QazTrade» باسشىسى ورتالىق ازياداعى گەرمانيا ەكونوميكاسى وكىلدىگىنىڭ باسشىسى حوۆسەپ ۆوسكانيانمەن كەزدەستى, وندا ءبىزدىڭ ەلدەرىمىزدىڭ كاسىپكەرلەرى اراسىنداعى ساۋدا ىنتىماقتاستىعىن كەڭەيتۋ ماسەلەلەرى, سونداي-اق قازاقستان مەن گەرمانيا كاسىپكەرلەرى اراسىندا B2B كەزدەسۋلەر وتكىزۋ مۇمكىندىگى تالقىلاندى.
تۇراقتى ساۋدانى دامىتۋ جانە وڭىرلىك دامۋ جونىندەگى دۇنيەجۇزىلىك بانك وكىلدەرىمەن ازامات اسقار ۇلى وڭىرلىك ساۋدانى كەڭەيتۋدى ىنتالاندىرۋ ءۇشىن دب ۇسىناتىن مۇمكىندىكتەردى دە تالقىلادى.
2020 جىلدان باستاپ «QazTrade» ساۋدا ساياساتىن دامىتۋ ورتالىعى» اق قازاقستان رەسپۋبليكاسىندا ەكسپورتتاۋشىلاردى قولداۋ بويىنشا قىزمەتتەردى ۇسىنۋ بويىنشا «بىرىڭعاي تەرەزە" بولىپ تابىلادى. بۇدان باسقا, كومپانيا ساۋدا-ەكونوميكالىق قاتىناستار سالاسىنداعى نەگىزگى زەرتتەۋ ينستيتۋتى بولىپ تابىلادى. قازاقستان رەسپۋبليكاسىنىڭ ساۋدا جانە ينتەگراتسيا مينيسترلىگى «QazTrade» ساۋدا ساياساتىن دامىتۋ ورتالىعى» اكتسيونەرلىك قوعامىنىڭ جالعىز اكتسيونەرى.
