بۇل باعىتتا وتكەن جىلى ماڭىزدى جۇمىستار جۇرگىزىلدى. اتاپ ايتساق, ماقتاارال اۋدانىنداعى توتەنشە جاعدايدىڭ سالدارى جويىلدى. 375 شاقىرىم كانالدار مەن 387 سۋ وبەكتىلەرى جوندەلدى.
«سۋ تاپشىلىعى جاعدايىندا ۆەگەتاتسيالىق كەزەڭى ءوتتى. كوسمومونيتورينگ ستاندارتتى تاجىريبەگە اينالىپ, الاڭداردىڭ ايىرماشىلىعى انىقتالدى», - دەپ اتاپ ءوتتى ارمان قاسەنوۆ.
سونداي-اق, قايتا جاڭعىرتۋ سۋارۋ وبەكتىلەرىنە تەحنيكالىق تەكسەرۋ جۇرگىزىلدى.
بيۋدجەتتىك باعدارلاما اياسىندا بىرنەشە كانالدار جاڭارتىلدى. ماسەلەن, اقتوبە وبلىسى بويىنشا ون ەكى, پاۆلودار وبلىسى بويىنشا بەس جوبا ىسكە اسىرىلۋدا.
مەكەمە بەرەتىن سۋ كولەمنىڭ 75 پايىزى – اعىمدى اعاتىن سۋ كولەمىن قۇرايدى. 55 مىڭنان استام تۇتىنۋشىنى سۋمەن قامتاماسىز ەتۋ ءۇشىن 5 800 شاماسىندا سۋ نىساندارىن پايدالانادى.
«وسى جىلى سۋ ءتاريفىنىڭ ءادىل دەڭگەيىن قاراستىرۋعا ءوتىنىم ەنگىزىلدى. جاڭا تاريف – مەكەمە دامۋىنا مۇمكىندىك بەرەدى», - دەپ اتاپ ءوتتى قازسۋشار باسشىسى.
سونىمەن قاتار, وپەراتسيالىق قىزمەتتى تسيفرلاندىرۋدى جۇرگىزىلۋدە. اتاپ ايتقاندا: سۋ تولەۋ قىزمەتىن قابىلداۋ ونلاين جۇيەگە اۋدارىلماق, كولىكتەرگە GPS-مونيتورينگى ەنگىزىلدى, ەلەكتروندىق قۇجاتتاما ەنگىزىلدى, مەملەكەتتىك ورگاندارمەن ينتەگراتسيا قامتاماسىز ەتىلدى, سۋ پايدالانۋشىنىڭ ەلەكتروندىق جەكە كابينەتىن قۇرۋ جوسپارلانۋدا.
بۇگىنگى كۇنى مەكەمە الدىندا سۋ تاسقىنى كەزەڭىنە دايىندىقتى قامتاماسىز ەتۋ, سۋ ەسەبىن اۆتوماتتاندىرۋ بويىنشا جوبالاردى ىسكە اسىرۋ, سۋ تولەۋ قىزمەتىن قابىلداۋ تولىق كولەمدە ونلاين جۇيەگە اۋدارۋ سياقتى ماڭىزدى-مىندەتتەر تۇر.
قازسۋشار باس ديرەكتورى اعىمداعى جىلدىڭ باسىم مىندەتتەرىنىڭ ءبىرى رەتىندە كاسىپورىندى اكتسيونەرلىك قوعامعا بەرۋدى كوزدەيتىن كاسىپورىندى ترانسفورماتسيالاۋ جوسپارىن ىسكە اسىرۋدى اتادى.
«وزگەرىستەر بيۋدجەتتىكتەن تاريفتىك قارجىلاندىرۋعا كوشۋ, ينۆەستيتسيالىق تارتىمدىلىقتى جاقسارتۋ, كورپوراتيۆتىك باسقارۋدى جەتىلدىرۋ جانە بيزنەس-پروتسەستەردى وڭتايلاندىرۋ بولىپ تابىلادى», - دەپ تۇيىندەدى ارمان قاسەنوۆ.
