2020 جىلى ءۇشمۇو ماماندارى 2185 ۇشۋدى ورىندادى, 3833 پاتسيەنتكە, ونىڭ ىشىندە: پاتولوگياسى بار بالالارعا 982 (26%), جاراقاتتارى, جازاتايىم وقيعالارى جانە ۋلانۋلارى بار پاتسيەنتتەرگە 584 (15%), اكۋشەرلىك پراكتيكاداعى شۇعىل جاعدايلار بويىنشا پاتسيەنتتەرگە 571 (15%), قان اينالىمى جۇيەسى اۋرۋلارى بار پاتسيەنتتەرگە 493 (13%), جاڭا تۋعان پاتسيەنتتەرگە 392 (10%), باسقا اۋرۋلارى بار پاتسيەنتتەرگە 811 (21%) مەديتسينالىق كومەك كورسەتتى.
2020 جىلدىڭ قورىتىندىسى بويىنشا 4637 مەديتسينالىق قىزمەت ورىندالدى, ونىڭ ىشىندە: مەديتسينالىق ۇيىمدارعا 2450 (53%) پاتسيەنت تاسىمالداندى, 266 (6%) كونسۋلتاتسيا, 165 (3%) وپەراتسيا جۇرگىزىلدى, 1756 (38%) قاشىقتىقتان مەديتسينالىق قىزمەت (قمق) ۇيىمداستىرىلدى. دونورلىق اعزالاردى الۋ جانە تاسىمالداۋ ءۇشىن مامانداردىڭ 2 ۇشۋى ورىندالدى.
رەسپۋبليكا شەگىندەگى مەديتسينالىق اۆياتسيا رەيستەرىنەن باسقا, شەتەلدە اۋىر حالدە جاتقان قازاقستان رەسپۋبليكاسىنىڭ ازاماتتارى مەن قانداستاردى حالىقارالىق تاسىمالداۋ جۇزەگە اسىرىلادى. 2020 جىلى مەديتسينالىق اۆياتسيا شەتەلدىك كلينيكالاردان وتاندىق مەديتسينالىق ۇيىمداردا ەمدەۋدى جالعاستىرۋ ءۇشىن قازاقستان رەسپۋبليكاسىنىڭ 13 ازاماتىن تاسىمالدادى.
ماسەلەن, 2020 جىلعى 25 جەلتوقساندا رەسەي فەدەراتسياسى ومبى قالاسىنىڭ وبلىستىق بالالار كلينيكالىق اۋرۋحاناسىنىڭ قارقىندى تەراپيا بولىمشەسىندە اۋىر حالدە جاتقان 2020 جىلى تۋعان كىشكەنتاي پاتسيەنتتى نۇر-سۇلتان قالاسىنا تاسىمالداۋ ءۇشىن مەديتسينالىق اۆياتسيا جەلىسى بويىنشا ۇشۋ جۇزەگە اسىرىلدى. بالاعا ونىڭ قىسقا مەرزىمدى ومىرىندە بىرنەشە وپەراتسيا جاسالدى جانە ول ومبى قالاسىنىڭ مەديتسينالىق مەكەمەسىندە بولعان كەزدە اسقىنۋلار پايدا بولىپ, جاي-كۇيى ناشارلادى. بالانىڭ اتا-اناسى قازاقستان رەسپۋبليكاسى دەنساۋلىق ساقتاۋ مينيسترلىگىنە جۇگىنگەننەن كەيىن ۇلتتىق شۇعىل مەديتسينانىڭ ۇيلەستىرۋ ورتالىعىمەن بىرلەسىپ ۇشۋ ۇيىمداستىرىلدى جانە پاتسيەنتتى ودان ءارى ەمدەۋ جانە وڭالتۋ ءۇشىن نۇر-سۇلتان قالاسىنىڭ انا مەن بالا ۇلتتىق عىلىمي ورتالىعىنا ءساتتى تاسىمالدادى.
قازاقستان رەسپۋبليكاسىنىڭ مەديتسينا قىزمەتكەرلەرىنىڭ شۇعىل كومەك كورسەتۋدىڭ حالىقارالىق ستاندارتتارى سالاسىنداعى بىلىكتىلىگىن ارتتىرۋعا ءۇشمۇو وقىتۋ-ترەنينگتىك ورتالىعى ۇلكەن ۇلەس قوسۋدا. سەرتيفيكاتتالعان نۇسقاۋشىلار «BLS, ACLS, رنتLS, رLS» باعدارلاماسى بويىنشا – 898 تىڭداۋشىعا, «قاۋىپسىز جۇرگىزۋ. قيىن جاعدايلاردا قاۋىپسىز جۇرگىزۋ» باعدارلاماسى بويىنشا 443 تىڭداۋشىعا وقىتۋ جۇرگىزدى.
ەمدەۋگە جاتقىزۋعا دەيىنگى كەزەڭدە اكۋشەرلىكتەگى شۇعىل جاعدايلار بويىنشا – 63, ADS (جەدەل مەديتسينالىق جاردەمدەگى ديسپەتچەرلىك قىزمەت) – 5, العاشقى كومەك (First aid) – 1, كەشەندى سەمينار-ترەنينگ (BLS, ACLS, PHTLS, PALS) – 222, ۇشۋ فيزيولوگياسى جانە پاتسيەنتتەردى تاسىمالداۋ – 84 شەبەرلىك كلاستارى وتكىزىلدى.
سونداي-اق, ءۇشمۇو قۇرىلىمىندا احۋال ورتالىعى تاۋلىك بويى بەلسەندى جۇمىس جۇرگىزەدى, ونىڭ ماماندارى قۇرامىنا بىلىكتى بەيىندى ماماندار (رەانيماتولوگتار, اكۋشەر-گينەكولوگتار, ينفەكتسيونيستەر, پۋلمونولوگتار, كارديولوگتار, نەفرولوگتار جانە ت. ب.) كىرگەن ساراپتامالىق توپپەن بىرلەسىپ, مەديتسينالىق اۆياتسيا جەلىسى بويىنشا مەديتسينالىق كومەك كورسەتۋ ساپاسىن جاقسارتۋ بويىنشا شارالار قابىلداۋ ءۇشىن تۇراقتى نەگىزدە انەستەزيولوگيا رەانيماتسيا جانە قارقىندى تەراپيا بولىمشەسىندە جاتقان اۋىر حالدەگى پاتسيەنتتەر مەن پنەۆمونيانىڭ اۋىر تۇرىمەن اۋىراتىن پاتسيەنتتەرگە تاۋلىك بويى مونيتورينگ جانە تالداۋ جۇرگىزەدى. قۇرىلعان ساتتەن باستاپ جانە 2020 جىلدىڭ قورىتىندىسى بويىنشا احۋال ورتالىعى اۋىر حالدەگى پاتسيەنتتەرگە 33 040 قاشىقتان مەديتسينالىق قىزمەت كورسەتتى.
سونىمەن قاتار, ءۇشمۇو بازاسىندا احۋال ورتالىعى جانىنان قازاقستان رەسپۋبليكاسىنداعى كوروناۆيرۋستىق ينفەكتسيا بويىنشا ەپيدەميولوگيالىق جاعدايدى مونيتورينگىلەۋ جانە تالداۋ جونىندەگى جەدەل شتاب قۇرىلدى, ونىڭ جۇمىسى تاۋلىك بويى جۇرگىزىلەدى.
ءۇشمۇو 2020 جىلى دەنساۋلىق ساقتاۋ جۇيەسىندەگى ۇلتتىق ساپا ستاندارتتارىنىڭ تالاپتارىنا سايكەس اككرەديتتەۋ راسىمىنەن وتكەنىن ايتا كەتۋ كەرەك. ءۇشمۇو سىرتقى كەشەندى باعالاۋ ناتيجەلەرى بويىنشا ءى بىلىكتىلىك ساناتى راستالدى.
سونداي-اق ءبىلىم بەرۋ ساپاسىن قامتاماسىز ەتۋ جونىندەگى تاۋەلسىز اگەنتتىك (IQAA) بەرگەن وقىتۋ-ترەنينگتىك ورتالىعىنىڭ ينستيتۋتسيونالدىق اككرەديتتەۋ تۋرالى كۋالىگى الىندى. وتكەن اككرەديتتەۋ راسىمدەرى ءۇشمۇو-نىڭ بەلگىلەنگەن ساپا ستاندارتتارىنا سايكەستىگىن راستايدى, پاتسيەنتتەردىڭ جوعارى ساپا مەن قاۋىپسىزدىك قىزمەتتەرىن الۋ قۇقىعىن ىسكە اسىرادى, سونداي-اق حالىقتىڭ جوعارى سەنىمىن قامتاماسىز ەتۋگە مۇمكىندىك بەرەدى.
