ءتارتىپ ساقشىلارىنىڭ ماتەريالدىق-الەۋمەتتىك ماسەلەلەرى ءجيى ايتىلىپ, بىراق شەشىمىن تابۋى جاعىنان اقساپ كەلە جاتقان جايت بولاتىن. جۋىردا ماڭعىستاۋ پوليتسەيلەرى زور قۋانىشقا كەنەلدى. بۇل سالا قىزمەتكەرلەرى كوپتەن كۇتكەن ءسات بولاتىن.
ءتارتىپ ساقشىلارىنىڭ ماتەريالدىق-الەۋمەتتىك ماسەلەلەرى ءجيى ايتىلىپ, بىراق شەشىمىن تابۋى جاعىنان اقساپ كەلە جاتقان جايت بولاتىن. جۋىردا ماڭعىستاۋ پوليتسەيلەرى زور قۋانىشقا كەنەلدى. بۇل سالا قىزمەتكەرلەرى كوپتەن كۇتكەن ءسات بولاتىن.
«ەگىز قۋانىش» دەگەن وسى ەكەن, بۇل كۇنى ماڭعىستاۋلىق پوليتسەيلەر ءۇشىن ارنايى سالىنعان 120 پاتەرلى تۇرعىن ءۇي پايدالانۋعا بەرىلىپ ءبىر قۋانتسا, سالا كۇش-قۋاتى 95 قىزمەتتىك كولىكپەن تولىعىپ ەكى قۋانتتى.
ايماق باسشىسى ا.ايدارباەۆ, ىشكى ىستەر ءمينيسترىنىڭ ءبىرىنشى ورىنباسارى, پوليتسيا گەنەرال-مايورى م.دەمەۋوۆ سالتاناتتى ءساتتىڭ قىزىعىن پوليتسەيلەرمەن بىرگە ءبولىستى.
پوليتسەيلەر ءۇشىن العاش رەت ارنايى سالىنعان ءۇي – وبلىستاعى بۇل سالا قىزمەتكەرلەرىنە جاسالعان قامقورلىقتىڭ دالەلى. جاڭا باسپانانىڭ كىلتىن العاندار قاتارىندا كەزەككە تۇرعانىنا 20 جىلعا تارتا ۋاقىت بولعان, وسىنشا جىلدار ىشىندە پاتەر جالداۋ ازابىن باستان وتكەرگەن ءتارتىپ ساقشىلارى دا بار ەكەن. ال 95 كولىك كىلتى قوعامدىق ءتارتىپتى قاتاڭ قاداعالاۋ, قىلمىستى بولدىرماۋ, بولا قالعان جاعدايدا ءىزىن سۋىتپاي اشۋ, قىلمىسكەردى قۇرىقتاۋ ماقساتىندا ىشكى ىستەر دەپارتامەنتىنىڭ رەسپۋبليكالىق ماڭىزداعى تاس جول قاۋىپسىزدىگىن قامتاماسىز ەتەتىن اكىمشىلىك پوليتسياسى باسقارماسى جول-پاترۋلدىك پوليتسياسى روتاسىنا, اۋداندىق, قالالىق ىشكى ىستەر ورگاندارىنىڭ ۋچاسكەلىك پوليتسيا ينسپەكتورلارىنا, دەپارتامەنتتىڭ جانە اۋداندىق, قالالىق ىشكى ىستەر باسقارمالارىنىڭ جەدەل بولىنىستەرىنە تاپسىرىلدى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.
سۋرەتتەردى تۇسىرگەن سەرىك مايەمەروۆ.
