50 مىڭنان استام ادامدى اۋىزسۋمەن قامتاماسىز ەتەتىن وكتيابر سۋ قويماسىن رەكونسترۋكتسيالاۋ جوباسى مەجەلەگەن ۋاقىتتا ىسكە اسىرىلدى. بۇل تۋرالى تۇرعىندار الدىندا ەسەپ بەرگەن وسكەمەن قالاسىنىڭ اكىمى جاقسىلىق ومار مالىمدەدى. جيىنعا ايماق باسشىسى دانيال احمەتوۆ تە قاتىستى.
«وسكەمەندىكتەردى بيىل جاعىمدى وزگەرىستەر كۇتىپ تۇر. ماسەلەن, كراسينا كەنتىندەگى, مەنوۆنوە جانە احمەر اۋىلدارىنداعى سۋمەن جابدىقتاۋ جەلىلەرى, مەنوۆنوە اۋىلى مەن تراكتورنايا كوشەسىندەگى كارىز جەلىلەرى قايتا جاڭارتىلادى. سونداي-اق شاھار تۇرعىندارىنىڭ قاجەتتىلىگىن قامتاماسىز ەتۋ ءۇشىن جاڭا وسكەمەن سۋ وتكىزۋ ارناسىنىڭ قۇرىلىسى جۇرگىزىلۋدە», دەدى جاقسىلىق ومار.
