ەرلى-زايىپتى زەينەتكەرگە قاراقشىلىق شابۋىل جاساۋ دەرەگى بويىنشا ءىس قىلمىستىق ىستەر جونىندەگى مامانداندىرىلعان اۋدانارالىق سوتتا قارالدى.
«سوت 2020 جىلى شىلدە ايىدا و. ەسىمدى سوتتالۋشى كولىك ساتىپ الۋ ماقساتىندا ەرلى-زايىپتى ك. جانە ا. اتتى زەينەتكەرلەردىڭ پاتەرىنە زاڭسىز كىرىپ, ولارعا شابۋىل جاساپ, پىشاقپەن قورقىتىپ, اقشا تالاپ ەتكەن. ەگدە جاستاعى قاريالار قارسىلىق كورسەتكەندە, سوتتالۋشى ولارعا بىرنەشە رەت پىشاق سالعان. قاريالار وقيعا ورنىندا كوز جۇمدى. كەيىننەن سوتتالۋشى 500 دوللار جانە 360 مىڭ تەڭگە مەن ۇيالى تەلەفوندى ۇرلاپ كەتكەن», دەپ حابارلادى قالالىق سوتتىڭ ءباسپاسوز قىزمەتى.
سوتتا پروكۋرور ايىپتالۋشىنى 20 جىلعا باس بوستاندىعىنان ايىرۋدى سۇراسا, جابىرلەنۋشى تاراپ وكىلدەرى ءومىر بويىنا باس بوستاندىعىنان ايىرۋ جازاسىن سۇرادى. ايىپتالۋشى كىناسىن ءىشىنارا مويىنداعان.
«سوت ۇكىمىمەن و. ەكى ادامدى ولتىرگەنى جانە قاراقشىلىق جاساعانى ءۇشىن كىنالى دەپ تانىلىپ, ءومىر بويىنا باس بوستاندىعىنان ايىرۋ تۇرىندەگى ەڭ قاتال جازاعا كەسىلدى. قاتاڭ جازا سوتتالۋشىنىڭ بۇرىن دا قاراقشىلىق ءۇشىن سوتتالعانى جانە ول ارەكەتىنەن ساباق الماعانى ءۇشىن تاعايىندالدى. كىسى قولىنان قازا تاپقان زەينەتكەرلەر 81 جانە 89 جاستا بولعان», دەپ تولىقتىردى قالالىق سوت. سوت ۇكىمى زاڭدى كۇشىنە ەنگەن جوق.
