سقو پوليتسيا دەپارتامەنتى ءباسپاسوز قىزمەتىنىڭ مالىمەتىنشە, 9 اقپان كۇنى ع. مۇسىرەپوۆ اتىنداعى اۋداننىڭ پوليتسيا بولىمىنە شامامەن ساعات 16.00-دە نوۆويشيمسكوە اۋىلىنىڭ «اقنانسەۆەر» جشس ەلەۆاتورىنان وقىس وقيعا جايىندا حابارلاما تۇسەدى. ءداندى داقىلداردى ساقتاۋعا ارنالعان مەتالل سيلوستى تازالاۋ كەزىندە شۇڭقىر پايدا بولىپ, 36 جاستاعى جۇمىسشى شۇڭقىرعا قۇلاپ مەرت بولعان.
ونىڭ دەنەسى شامامەن ساعات 23.00-دە سىرتقا شىعارىلدى. جەدەل-تەرگەۋ توبى وقيعا ورنىن قاراپ, كۋاگەرلەردەن جاۋاپ الدى. وندىرىستە قازا بولۋ فاكتىسى سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە «ەڭبەكتi قورعاۋ قاعيدالارىن بۇزۋ» بابى بويىنشا ەنگىزىلدى.
«وقيعانى تولىق جانە وبەكتيۆتى انىقتاۋعا باعىتتالعان تەرگەۋ جۇرگىزىلىپ جاتىر. اۋىل شارۋاشىلىق قۇرىلىمدارىنىڭ باسشىلارى مەن جاۋاپتى تۇلعالاردى ادام ءومىرى مەن دەنساۋلىعىنا قاۋىپ توندىرەتىن جۇمىستاردى زاڭنامانى قاتاڭ ساقتاي وتىرا جۇرگىزۋ قاجەتتىگى تۋرالى ەسكەرتەمىز», دەدى ع.مۇسىرەپوۆ اۋداندىق پوليتسيا ءبولىمىنىڭ باستىعى مارات ءالجانوۆ.
