قالام ۇستاعان قاۋىمعا قۇرمەت قاشاندا جوعارى. سونىڭ ءبىر كورىنىسى كەشە ەلوردادا ENRC (ەۋرازيالىق تابيعي رەسۋرستار كورپوراتسياسى) مەن قازاق باسپاسوزىنىڭ قاراشاڭىراعى «ەگەمەن قازاقستان» گازەتى وسىمەن ءتورتىنشى رەت وتكىزىپ وتىرعان ءداستۇرلى رەسپۋبليكالىق «التىن قالام» شىعارماشىلىق بايقاۋىنىڭ قورىتىندىسى جاريالانىپ, وندا ونەركاسىپ تاقىرىبىنا جازاتىن ۇزدىك جۋرناليستەر ماراپاتتالدى.
قالام ۇستاعان قاۋىمعا قۇرمەت قاشاندا جوعارى. سونىڭ ءبىر كورىنىسى كەشە ەلوردادا ENRC (ەۋرازيالىق تابيعي رەسۋرستار كورپوراتسياسى) مەن قازاق باسپاسوزىنىڭ قاراشاڭىراعى «ەگەمەن قازاقستان» گازەتى وسىمەن ءتورتىنشى رەت وتكىزىپ وتىرعان ءداستۇرلى رەسپۋبليكالىق «التىن قالام» شىعارماشىلىق بايقاۋىنىڭ قورىتىندىسى جاريالانىپ, وندا ونەركاسىپ تاقىرىبىنا جازاتىن ۇزدىك جۋرناليستەر ماراپاتتالدى.
اتالمىش شاراعا پارلامەنت دەپۋتاتتارى جابال ەرعاليەۆ پەن الدان سمايىل, «ەگەمەن قازاقستان» رگ» اق پرەزيدەنتى ساۋىتبەك ابدراحمانوۆ, «ENRC Kazakhstan» اق كوممۋنيكاتسيالار بويىنشا ۆيتسە-پرەزيدەنتى نادەجدا شاشكوۆا جانە «قازاقستان ەلەكتروليز زاۋىتى» اق ۆيتسە-پرەزيدەنتى جۇمابەك حامزين قاتىستى.
«ءبىزدىڭ كومپانيا قازاق ءتىلدى بۇقارالىق اقپارات قۇرالدارىمەن جىل سايىن ارىپتەستىكتى جالعاستىرا بەرمەك. «التىن قالام» بايقاۋى بۇل ارىپتەستىكتى ارى قاراي دامىتىپ, جۋرناليستەر شەبەرلىگىن شىڭدايدى دەپ سەنەمىز. ءبىز مەملەكەت باسشىسى نۇرسۇلتان نازارباەۆتىڭ مەملەكەتتىك ءتىلدى قولداۋ مەن دامىتۋ سالاسىنداعى ساياساتىنا ءوز ۇلەسىمىزدى قوساتىندىعىمىزدى ماقتان تۇتامىز», – دەدى ENRC Kazakhstan كوممۋنيكاتسيالار بويىنشا ۆيتسە-پرەزيدەنتى نادەجدا شاشكوۆا. سونداي-اق, ول جىلدان-جىلعا قاناتىن قاتايتىپ كەلە جاتقان بايقاۋدا ەكى مارتە قاتارىنان لاۋرەات اتانعان جۋرناليستەر دە بار ەكەنىن جانە جىلدان-جىلعا كونكۋرسقا كەلەتىن ماتەريالداردىڭ سانى عانا ەمەس, ساپاسى دا ارتا تۇسكەندىگىن نازاردان تىس قالدىرمادى.
«جاقىندا ەلباسى تاۋەلسىز قازاقستاننىڭ جەتى قازىناسىن اتاپ-اتاپ بەردى. سونىڭ ءتورتىنشى قازىناسى – يندۋستريالىق-يننوۆاتسيالىق ەكونوميكا. «ەگەمەن قازاقستان» گازەتىنىڭ بۇگىنگى سانىندا اكادەميك كەنجەعالي ساعاديەۆتىڭ وسى ءتورتىنشى قازىنا تۋرالى ماقالاسى شىقتى. وسى ماقالا شىققان كۇنى ءبىز ءتورتىنشى رەت «التىن قالام» كونكۋرسىنىڭ قورىتىندىسىن شىعارىپ وتىرمىز. اتالعان يدەيانى بارلىق تۇرعىدان قولداعانى ءۇشىن ENRC Kazakhstan كومپانياسىنا رازىلىعىمىزدى بىلدىرەمىز. بۇل كونكۋرس ارقىلى قازاق جۋرناليستيكاسىندا ءوندىرىس تاقىرىبى, ونەركاسىپتىڭ پروبلەمالارى بۇرىنعىدان الدەقايدا بىلىكتى, ساۋاتتى, تەرەڭ, كاسىبي تۇرعىدان جازىلا باستادى دەپ ويلايمىن. الداعى ۋاقىتتا دا يگى ارىپتەستىگىمىز جالعاسا بەرەدى دەپ سەنگىمىز كەلەدى», دەدى لاۋرەاتتاردى ماراپاتتاۋ الدىندا ءسوز العان «ەگەمەن قازاقستان» رگ» اق پرەزيدەنتى ساۋىتبەك ابدراحمانوۆ.
بيىلعى جىلى بايقاۋعا «ەگەمەن قازاقستان», «ايقىن», «اقتوبە» «مۇنايلى استانا», «وڭتۇستىك قازاقستان», «ورتالىق قازاقستان», «سولتۇستىك قازاقستان», «سارىارقا سامالى», «اقسۋ جولى» سىندى رەسپۋبليكالىق جانە وڭىرلىك گازەتتەردىڭ, سونىمەن بىرگە «قازاقستان-قاراعاندى», «يربيس» تەلەارنالارىنىڭ 20 ءجۋرناليسى قاتىسىپ, 6 جۋرناليست بايقاۋ لاۋرەاتتارى اتاندى.
سونىمەن, بايقاۋ قورىتىندىسى بويىنشا ءبىرىنشى ورىن ديپلومى مەن 500 مىڭ تەڭگە اقشالاي سىيلىققا ارىپتەسىمىز, رەسپۋبليكالىق «ەگەمەن قازاقستان» گازەتىنىڭ قاراعاندى وبلىسىنداعى مەنشىكتى ءتىلشىسى ايقىن نەسىپباي يە بولدى. ول قاراعاندى وبلىسىنداعى شۇباركول كەنىشىندەگى وندىرىستىك جەتىستىكتەر جايىنداعى ماقالالارى ءۇشىن ماراپاتتالىپ وتىر. ال ەكىنشى ورىن – ەكەۋ. ول ورىندار اقتوبە وبلىسىنداعى «كازحروم» كومپانياسىنىڭ جۇمىسى تۋرالى تۇراقتى جازىپ جۇرەتىن «اقتوبە» گازەتىنىڭ مەنشىكتى ءتىلشىسى امانقوس ورىنعاليەۆ پەن ەلىمىزدەگى ءتۇستى مەتاللۋرگيانىڭ دامۋى جايىندا «التىنتاۋ» كومپانياسىنىڭ زاۋىتتارى تۋرالى ماقالالارى ءۇشىن «ايقىن» گازەتىنىڭ استانا قالاسىنداعى مەنشىكتى ءتىلشىسى قانات ماحامبەتكە بەرىلدى. جۇلدەگەرلەر 400 مىڭ تەڭگە سىيلىقتى ەنشىلەدى.
ءۇشىنشى ورىننىڭ ءۇش ءجۇلدەسى 300 مىڭ تەڭگەلىك اقشالاي سىيلىقتارمەن قوسا پاۆلودار وبلىسىنداعى وندىرىستىك كاسىپورىنداردىڭ ەكولوگيالىق باستامالارى تۋرالى باعدارلامالارى ءۇشىن «يربيس» تەلەارناسىنىڭ ءجۋرناليسى ءزۇلفيرا ماعزۇموۆاعا, تەمىرجول لوگيستيكاسى جەتىستىكتەرى حاقىندا «ەگەمەن قازاقستان», «الاش ايناسى» سىندى رەسپۋبليكالىق باسىلىمداردا قالام تەربەگەن جۋرناليست ەسكەندىر ەرتايعا جانە قاراعاندى وبلىسىنداعى «بورۋسان-ماكينا» كومپانياسىنا تيەسىلى تاۋ-كەن وندىرىسىندە پايدالاناتىن كولىكتەردى قايتا قالپىنا كەلتىرۋ تسەحىنىڭ جۇمىسى جونىندەگى تەلەباعدارلاماسى ءۇشىن «قازاقستان-قاراعاندى» تەلەارناسىنىڭ رەداكتورى ءالي تويجىگىتوۆكە تاپسىرىلدى.
قالامىن جانىنا سەرىك ەتكەن ءتىلشى جۇرتىنىڭ شابىتىنا شابىت قوساتىن «التىن قالام» كونكۋرسى جالعاسىن تابادى. وعان قازاق ءتىلدى رەسپۋبليكالىق, وڭىرلىك جانە ۆەدومستۆولىق باق-تاردىڭ ونەركاسىپ تاقىرىبىنا جازاتىن جۋرناليستەرى قاتىسا الادى.
ءراسىم سوڭىندا «ەگەمەن قازاقستان» گازەتىنىڭ باسشىسى ساۋىتبەك ابدراحمانوۆ ENRC Kazakhstan كومپانياسىنا «ەتجەڭدى «ەگەمەن قازاقستان» – 2012» كىتابىن شاعارۋعا دا دەمەۋشىلىك جاساعانى ءۇشىن العىس ايتتى. ول كىتاپ كەشە كونكۋرس جۇلدەگەرلەرىنە تارتۋ رەتىندە بەرىلدى.
ءابدىراحمان قىدىربەك,
«ەگەمەن قازاقستان».
استانا.
سۋرەتتەردى تۇسىرگەن ەرلان وماروۆ.
