ساناۆياتسياعا بيۋدجەتتەن بولىنگەن اقشا كوبىنەسە ان-2, ياك-40, ان-24 ۇشاقتارىنا عانا جەتەدى. ول ۇشاقتاردىڭ قىزمەت ەتۋدەگى ورتاشا مەرزىمى 40 جىلدان اسادى. دەپۋتاتتار ولاردىڭ تەحنيكالىق جاعدايى, ماسەلەن, شۋىلى, ءدىرىلى, ۇشاق ىشىندەگى تەمپەراتۋراسى اۋىر ناۋقاستارعا مەديتسينالىق قىزمەت كورسەتۋ جانە تاسىمالداۋ ستاندارتتارىنا سايكەس كەلمەيتىنىن اتاپ ءوتتى.
«ساپالى جانە ۋاقتىلى مەديتسينالىق كومەكتىڭ مىندەتتى شارتى ناۋقاستاردى تاسىمالداۋعا الەمدىك ستاندارتتارعا جاۋاپ بەرەتىن زاماناۋي ۇشاقتاردى پايدالانۋ ەكەنىن اتاپ وتكەن ءجون. سونداي-اق, بيۋدجەت قارجىسىنان تولەنەتىن ۇشۋ ۋاقىتىنىڭ 1 ساعاتىنا ءتاريفتى ۇلعايتۋعا قارجى ءبولۋ قاجەت دەپ سانايمىز. بۇل جاڭا ءارى زاماناۋي اۋە كولىگىنىڭ تۇرلەرىن پايدالانۋ ءۇشىن دە ماڭىزدى. وسى شارالار سانيتارلىق اۆياتسيا قىزمەتىن ودان ءارى دامىتۋ مەن الەۋەتىن ارتتىرۋعا سەپ بولادى جانە ەل تۇرعىندارىنا مەديتسينالىق كومەكتىڭ قولجەتىمدىلىگى مەن ساپاسىن ارتتىرۋعا, جالپى ءولىم-ءجىتىمدى ازايتۋعا ىقپال ەتەدى», دەپ اتاپ ءوتتى سەناتور اقمارال ءالنازاروۆا.
