رەسەيدىڭ كالينينگراد قالاسى تۇبىندە قۇنى 1 ملرد. رۋبل تۇراتىن جاقۇت تابىلدى. بۇل تۋرالى Utro.ru حابارلادى.
پوليتسيا قىزمەتكەرلەرى كالينينگراد تۇبىندەگى يانتارنىي اۋلىنان زاڭسىز جولمەن قازىپ الىنعان جاقۇت تاستارىن تاپتى.
كالينينگراد پوليتسياسى كومپانياسىنىڭ 250 ملن. رۋبل كولەمىندە سالىق قارىزىن وتەمەك بولعان ۆيكتور بوگداننىڭ ۇستىنەن قىلمىستىق ءىس قوزعادى. ونىڭ تاس ءوندىرۋ تسەحىنداعى قويمالاردىڭ ءبىرىن تەكسەرۋ كەزىنە ءبىر قابات تسەمەنتتىڭ استىنان 227 قاپ جاقۇت تابىلدى. باعالى تاستاردىڭ سالماعى بەس توننادان اسىپ تۇسكەن. ولاردى تاسىپ شىعارۋعا ەكى كۇن جۇمسالدى. مامانداردىڭ ايتۋى بويىنشا, تاركىلەنگەن جاقۇتتاردىڭ جالپى قۇنى 1 ملرد. رۋبلدەن اسادى.
پوليتسيا ۆيكتور بوگداننىڭ ءوزىن قولعا تۇسىرە المادى. قازىرگى ۋاقىتتا وعان حالىقارالىق ىزدەۋ جاريالانعان.
ايدار ورىسباەۆ.
دەرەككوز: Utro.ru
فوتو: Info-7.ru
