«وبلىس بويىنشا مەديتسينا ۇيىمدارىندا 154 ەكپە كابينەتى بار. سونىڭ ىشىندە كوروناۆيرۋستىق ينفەكتسياعا قارسى ۆاكتسينالاۋعا 32 ەكپە كابينەتى مەن 12 جىلجىمالى ەگۋ بريگاداسى دايىندالدى. وسى كەزگە دەيىن ۆاكتسينا سالدىرعاندار اراسىندا شاعىم بولعان جوق. دەنساۋلىقتارى تۇراقتى باقىلاۋدا», دەدى وبلىستىق دەنساۋلىق ساقتاۋ باسقارماسىنىڭ باسشىسى ءسابيت پازىلوۆ.
وبلىس بويىنشا سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى ءاليا ابدىقايىموۆا «COVID-19» ينفەكتسياسىنا قارسى ەكپە جۇمىستارى قالاداعى №1, №3, №6 ەمحانالار بازاسىندا جۇرگىزىلىپ جاتقانىن اتاپ ءوتتى.
وڭىردە بۇگىنگى كۇنگە دەيىن كوروناۆيرۋس ينفەكتسياسىمەن 3666 ناۋقاس تىركەلسە, سوڭعى تاۋلىكتە 9 جاعداي انىقتالىپ وتىر. ولاردىڭ 96,5 پايىزى ەمدەلىپ شىققان. قازىر ينفەكتسيالىق ستاتسيوناردا 30 ناۋقاس ەم الۋدا. ونىڭ 3-ءۋى جانساقتاۋ بولىمىندە جاتىر.
