باتىس قازاقستان وبلىسىنىڭ ورتالىعى – ورال قالاسىنداعى 170/2 اباقتى باسشىسىنىڭ ورىنباسارلارى جازاعا تارتىلدى. بۇل تۋرالى Gazeta.kz حابارلادى.
«تۇرمەنىڭ قوجاسى» اتانعان جازاسىن وتەۋشىنىڭ ءبىرى اباقتى باستىعىنىڭ 2 ورىنباسارىمەن بىرگە قىلمىستىق توپ قۇرعان. ولار وڭىردەگى ەسىرتكى اينالىمىن باقىلاپ وتىرعان ەكەن. ودان تۇسكەن قىرۋار اقشانى وزگە ەلدەگى قىلمىستىق توپپەن بولىسكەن كورىنەدى. ءارى اباقتى باستىعىنىڭ ورىنباسارلارى تۇرمەگە تاۋار مەن اقشا وتكىزۋگە قول ۇشىن بەرىپتى. وسى ارەكەتتەرىنە بايلانىستى قىلمىستىق توپتىڭ جەتەكشىسى جاليەۆ 19 جىلعا تەمىر تورعا قامالدى. ال قالعان 3 سىبايلاسى 9 جىلدان 17 جىلعا دەيىن تار قاپاستا وتىراتىن بولدى.
بىزگە كەلىپ تۇسكەن سوڭعى اقپاراتتا اتالمىش 170/2 اباقتى باستىعىنىڭ قىزمەتتەن بوساعانى تۋرالى جازىلعان. الداعى ۋاقىتتا ونىڭ ارەكەتىنە قاتىستى تەرگەۋ جۇرگىزىلەدى.
باقىتبەك كەنەش ۇلى.
دەرەككوز: Gazeta.kz
فوتو: news. nur. kz
