پالاتا توراعاسى قاسىم-جومارت توقاەۆ توراعالىق ەتكەن پارلامەنت سەناتىنىڭ بيۋرو وتىرىسى سەناتقا تۇسكەن زاڭ جوبالارىن بولۋگە جانە جوعارعى سوتتىڭ سۋديالارىن بوساتۋ جانە سايلاۋ تۋرالى قازاقستان رەسپۋبليكاسى پرەزيدەنتىنىڭ ۇسىنىمىنا, پالاتانىڭ كەزەكتى وتىرىسىنىڭ كۇن تارتىبىنە قاتىستى بىرقاتار قاۋلىلار قابىلدادى, سونداي-اق, سەناتتىڭ 2014 جىلعى نەگىزگى ءىس-شارالارىنىڭ جوسپارىن نەگىزىنەن ماقۇلدادى, دەپ حابارلادى وسى پالاتانىڭ ءباسپاسوز قىزمەتى.
پالاتا توراعاسى قاسىم-جومارت توقاەۆ توراعالىق ەتكەن پارلامەنت سەناتىنىڭ بيۋرو وتىرىسى سەناتقا تۇسكەن زاڭ جوبالارىن بولۋگە جانە جوعارعى سوتتىڭ سۋديالارىن بوساتۋ جانە سايلاۋ تۋرالى قازاقستان رەسپۋبليكاسى پرەزيدەنتىنىڭ ۇسىنىمىنا, پالاتانىڭ كەزەكتى وتىرىسىنىڭ كۇن تارتىبىنە قاتىستى بىرقاتار قاۋلىلار قابىلدادى, سونداي-اق, سەناتتىڭ 2014 جىلعى نەگىزگى ءىس-شارالارىنىڭ جوسپارىن نەگىزىنەن ماقۇلدادى, دەپ حابارلادى وسى پالاتانىڭ ءباسپاسوز قىزمەتى.
پالاتا كوميتەتتەرىنە ءتيىستى زاڭ جوبالارى ءبولىپ بەرىلگەن سوڭ, سەناتتىڭ 26 جەلتوقسانداعى كەزەكتى وتىرىسىنىڭ كۇن ءتارتىبى بەكىتىلدى. بيۋرو مۇشەلەرى, سونداي-اق, پارلامەنت سەناتىنىڭ 2014 جىلعا ارنالعان نەگىزگى ءىس-شارالار جوسپارىن نەگىزىنەن ماقۇلدادى.
قۇجاتتا پرەزيدەنت ن.ءا.نازارباەۆتىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» جولداۋىن, سونىمەن قاتار, پارلامەنتتىڭ كەزەكتى سەسسياسىنىڭ اشىلۋىندا مەملەكەت باسشىسى بەلگىلەگەن باسىمدىقتاردى ىسكە اسىرۋعا باعىتتالعان دەپۋتاتتاردىڭ زاڭ شىعارۋ جۇمىستارى كورىنىس تاپتى.
سەناتتا جىل ىشىندە جاڭا بيۋدجەت ساياساتى, مەملەكەتتىك جوسپارلاۋ جۇيەسىن جەتىلدىرۋ, اقپاراتتىق قاۋىپسىزدىك, دەنەشىنىقتىرۋدى دامىتۋ, بۇقارالىق سپورت جانە سالاماتتى ءومىر سالتىن قالىپتاستىرۋ ماسەلەلەرى بويىنشا ۇكىمەتتىك ساعاتتار وتەدى. ەلىمىزدىڭ جاسىل ەكونوميكاعا كوشۋ ماسەلەلەرى بويىنشا پارلامەنتتىك تىڭداۋ 2014 جىلعى ءىV توقسانعا جوسپارلاندى.
سەنات كوميتەتتەرى ەلىمىزدىڭ ايماقتارىندا تاقىرىپتىق كوشپەلى وتىرىستار وتكىزەتىن بولادى. وندا مەملەكەتتىك شەكارا تۋرالى زاڭنامانى ىسكە اسىرۋ, يندۋستريالىق-يننوۆاتسيالىق قىزمەتتى مەملەكەتتىك قولداۋ, «جۇمىسپەن قامتۋ-2020» باعدارلاماسىن جۇزەگە اسىرۋ, شاعىن جانە ورتا بيزنەستى دامىتۋ, قۇقىق قورعاۋ ورگاندارى مەن سوتتاردى رەفورمالاۋ, بيۋدجەت ۇدەرىستەرىن جەتىلدىرۋ جانە بالىق شارۋاشىلىعىن دامىتۋ ماسەلەلەرىن تالقىلاۋ كوزدەلىپ وتىر.
سەناتتاعى بىرقاتار دوڭگەلەك ۇستەلدەر مەن عىلىمي-تاجىريبەلىك كونفەرەنتسيالار ايماقتاردى گازبەن قامتۋ, عىلىمي-تەحنيكالىق ءبىلىم بەرۋ جۇيەسىن دامىتۋ, قىلمىستىق-اتقارۋ جۇيەسىنىڭ پروبلەمالارى, اكىمشىلىك زاڭناماسىن رەفورمالاۋ, كووپەراتسيا ماسەلەلەرى جونىندەگى زاڭنامانى جەتىلدىرۋ, عىلىمي زەرتتەۋلەردىڭ تيىمدىلىگىن قۇقىقتىق تۇرعىدا قامتاماسىز ەتۋ, سونداي-اق, سالىق جەڭىلدىكتەرىن وڭتايلاندىرۋ جانە ولاردىڭ تيىمدىلىگىن ارتتىرۋ ماسەلەلەرىنە ارنالاتىن بولادى.
سەناتورلار ورتالىق جانە جەرگىلىكتى اتقارۋشى ورگانداردىڭ, دامۋ ينستيتۋتتارى مەن وقۋ ورىندارىنىڭ باسشىلارىمەن كەزدەسۋلەر وتكىزەدى. دەپۋتاتتار توقسان سايىن ايماقتارعا ءداستۇرلى ساپارعا شىعادى. جەرگىلىكتى وكىلدى ورگاندارمەن, ونىڭ ىشىندە «ءوڭىر» دەپۋتاتتىق توبى ارقىلى ءوزارا ءىس-قيمىل جالعاساتىن بولادى.
سەناتتىڭ حالىقارالىق شارالارى اراسىندا 2014 جىلعى قىركۇيەكتە وتەتىن الەمدىك جانە ءداستۇرلى دىندەر كوشباسشىلارى سەزى حاتشىلىعىنىڭ ءحىىى وتىرىسىن, سەنات توراعاسى مەن دەپۋتاتتارى بۇۇ, ەقىۇ, تمد, ەۋرازەق, ۇقشۇ, ەۋروپا كەڭەسى, ناتو پارلامەنتارالىق فورۋمدارىنىڭ, «قازاقستان رەسپۋبليكاسى – ەۋروپا وداعى» پارلامەنتتىك ىنتىماقتاستىق كوميتەتىنىڭ شارالارىنا قاتىساتىنىن اتاپ ءوتۋ كەرەك. ودان باسقا, ەكىجاقتى رەسمي ساپارلار, سونىمەن بىرگە, شەت مەملەكەتتەر پارلامەنتتەرىمەن ىنتىماقتاستىق توپتارى بويىنشا كەزدەسۋلەر جوسپارلاندى.
