قىزدىڭ اتا-اناسى ءجاسوسپىرىمدى وزدەرى كۇنى بويى ىزدەپ, تابا المايدى. ناتيجە شىقپاعاننان كەيىن ولار پوليتسەيلەرگە حابارلايدى. اقپارات الىسىمەن ماقتاارال اۋداندىق پوليتسيا ءبولىمىنىڭ قىزمەتكەرلەرى بىردەن كامەلەت جاسىنا تولماعان قىزدى ىزدەۋگە كىرىسەدى. ونىڭ بارۋى مۇمكىن جەرلەردى تەكسەرىپ, حابارلاسۋى مۇمكىن دوس-قۇربىلارىنان جاۋاپ الادى. تۋىستارىنان سۇراستىرادى. جوعالعان قىزدى تابۋعا قاجەتتى بارلىق شارالاردى ىسكە اسىرادى. سونىڭ ناتيجەسىندە قىز نۇر-سۇلتان قالاسىنداعى كوشەلەردىڭ بىرىنەن تابىلدى. ماقتاارال قالاسىنا جەتكىزىلىپ, اتا-اناسىنا تاپسىرىلدى.
تەكسەرۋ بارىسىندا انىقتالعانداي, ءجاسوسپىرىم قىز ءوزىنىڭ سويلەسىپ جۇرگەن جىگىتىمەن نۇر-سۇلتان قالاسىنا بىرگە كەتكەن. ءوز كەزەگىندە قىزىنىڭ ءدىن-امان تابىلعانىنا قۋانعان اناسى پوليتسەيلەرگە العىسىن ءبىلدىردى.
– سىزدەردىڭ ارقالارىڭىزدا قىزىم امان-ەسەن تابىلدى. جەدەل ارەكەت ەتتىڭىزدەر. ءبىز سونشا ىزدەپ, تابا الماعان قىزىمىزدى ءبىر ساتتە تاۋىپ بەردىڭىزدەر. سىزدەرگە ۇلكەن راقمەت! جۇمىستارىڭىزعا تابىس تىلەيمىن!, – دەپ اتاپ ءوتتى.
تۇركىستان وبلىسىنىڭ پوليتسەيلەرى بارشا اتا-انالارعا كامەلەتكە تولماعان ۇل-قىزدارىمەن وتپەلى كەزەڭدە تۇسىنىستىكپەن تىلدەسىپ, ولارمەن دوس بولۋعا شاقىرادى. جاسوسپىرىمدەرگە ۇلكەندەردىڭ رۇقساتىنسىز ۇيدەن الىس كەتپەۋ كەرەكتىگىن ۇنەمى ەسكەرتىپ وتىرۋ قاجەتتىگىن العا تارتادى.
