قازاقستان • 10 اقپان، 2021

قازاقستاننىڭ لاتىن قارپىنە اۋىسۋى دومەندەرگە قالاي اسەر ەتەدى؟

97 رەت كورسەتىلدى

Qaz نەمەسە QZ دومەنىنىڭ قايسى دۇرىس؟ ورتالىق كوممۋنيكاتسيالار قىزمەتىندە وتكەن بريفينگتە جۋرناليستەر سپيكەرلەرگە وسىنداي سۇراق جولدادى. قر ءتسدياوم اقپاراتتىق قاۋىپسىزدىك كوميتەتىنىڭ ساراپشىسى ايدانا التاەۆانىڭ ايتۋىنشا، بۇل ماسەلە نازاردان تىس قالعان جوق.

«لاتىن قارپىنە اۋىسۋ جاعدايى ەسكەرىلدى. بۇل ماسەلە بويىنشا حالىقارالىق ۇيىممەن كەلىسسوزدەر جۇرگىزىلدى. Qaz جانە QZ دومەندىك اتتارى ەلىمىزدە تىركەلگەن. ال لاتىن قارپىنە تولىق اۋىسقان جاعدايدا، بارلىق رەسمي پروتسەدۋرالاردى ۋاكىلەتتى ورگان قر ساۋدا جانە ينتەگراتسيا مينيسترلىگى جۇرگىزەتىن بولادى»، - دەدى سپيكەر.

سونىمەن قاتار، ايدانا التاەۆا دومەندىك اتاۋلاردى اۋىستىرۋ كەزىندە بيۋدجەتتەن قارجى بولىنبەيتىنىن اتاپ ءوتتى. قازىرگى تاڭدا قازاقستاندا 12 اقپاراتتىق قاۋىپسىزدىكتىڭ جەدەل ورتالىقتارى ىسكە قوسىلدى. سونداي-اق اقىسىز نەگىزدە وتاندىق ينتەرنەت-رەسۋرستاردى قورعاۋ جانە اقپاراتتىق قاۋىپسىزدىكتى قامتاماسىز ەتەتىن قازاقستاندىق كيبەرقالقان جۇيەلەرى جۇمىس ىستەۋدە.

سوڭعى جاڭالىقتار

تمد ءسامميتى قازان ايىندا وتەدى

پرەزيدەنت • بۇگىن، 19:56

ۇقساس جاڭالىقتار