وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى ايناگۇل مۋسينانىڭ مالىمدەۋىنشە, بارلىق ناۋقاستاردىڭ 10 پايىزىن بالالار قۇرايدى. ال ەرەسەكتەر اراسىندا جامان تۇماۋ نەگىزىنەن 60 جاستان اسقان ادامدار اراسىندا.
– ۇستىمىزدەگى ايدا COVID-19-دىڭ لابوراتوريالىق راستالعان 533 دەرەگى تىركەلدى. ونىڭ 426-سى سيمپتومدى, 107-ءسى سيمپتومسىز ءتۇرى. سوڭعى اپتادا كوروناۆيرۋستىڭ 1 342 دەرەگى انىقتالدى, – دەگەن باس سانيتارلىق دارىگەر كوروناۆيرۋس ينفەكتسياسىنىڭ تارالۋىنا قاتىستى ستاتيستيكا كۇن سايىن وزگەرىپ جاتقانىن, ۆيرۋستىڭ تارالۋى سانيتارلىق-ەپيدەميالىق تالاپتاردىڭ ساقتالۋىنا بايلانىستى ەكەنىنە توقتالدى. ماسەلەن, سوڭعى تاۋلىكتە 168 ادامدا وسى ۆيرۋس انىقتالىپ, ءوسىم 1,5 پايىزدى قۇراعان.
پاندەميا باستالعالى وبلىستا 548 وقۋشىعا كوروناۆيرۋس دياگنوزى قويىلعان. ونىڭ 205-ءى شتاتتىق, 343-ءى قاشىقتان ءبىلىم الىپ جاتقان وقۋشىلار. وقۋ جىلىنىڭ ءۇشىنشى توقسانى باستالعاندا 296 وقۋشىدا ۆيرۋس انىقتالعان. ىندەتتىڭ وقۋشىلار اراسىندا دا كوپتەپ تىركەلۋىنە بايلانىستى بۇگىنگى تاڭدا وبلىس بويىنشا 49 مەكتەپ كارانتينگە جابىلدى. سونىمەن قاتار مەكتەپكە دەيىنگى مەكەمەلەردە تاربيەلەنەتىن بالالار اراسىندا دا ىندەتكە شالدىققاندار بار. جامان تۇماۋدىڭ جامان حابارى ەستىلگەلى 99 ءبۇلدىرشىن اۋىرعان. بۇل ورايدا دا وبلىس ورتالىعى ۆيرۋستىڭ تارالۋى بويىنشا كوش باستاپ تۇر. وبلىسقا «سپۋتنيك V» ەكپەسىنىڭ 1 300 دوزاسى اكەلىندى. اقپاننىڭ 1-ىندە ەكپە ەگۋ ناۋقانى باستالدى. بۇگىندە مەديتسينالىق ۇيىمداردىڭ بازاسىندا 24 ەكپە ەگۋ پۋنكتى جۇمىس ىستەيدى.
اقمولا وبلىسى
