ەكونوميكا • 09 اقپان، 2021

«ەكسپورتتىق اكسەلەراتسيا» قارقىن الدى

50 رەت كورسەتىلدى

ساۋدا جانە ينتەگراتسيا مينيسترلىگىنىڭ مالىمەتىنە سايكەس بيىل 10 ساۋدا ەكونوميكالىق ميسسيا مەن 2 حالىقارالىق كورمە (شانحاي (قحر)، Expo Dubai ء(باا) وتەدى دەپ جوسپارلانۋدا. ونىڭ قورىتىندىسىنا سايكەس 100 ملن اقش دوللارى كولەمىندە 80 ەكسپورتتىق كەلىسىمشارتقا قول قويىلادى.

اتالعان ۆەدومستۆو حابارلاعانداي، «ەكسپورتتىق اكسەلەراتسيا» باعدارلاماسى ارقىلى 130 جاڭا ەكسپورتتاۋشى سىرتقى نارىققا شىعادى. سونىمەن قوسا Alibaba حالىقارالىق ەلەكتروندى پلاتفورماسىندا 50 ەكسپورتتاۋشىنىڭ ونىمدەرى ۇسىنىلادى. ال KazakhExport ارقىلى 24،1 ملرد تەڭگە سوماسىنا ساۋدا-ەكسپورتتىق قارجىلاندىرۋ جانە 5 ملرد تەڭگەگە ەكسپورت الدىنداعى قارجىلاندىرۋ ۇسىنىلىپ، سول سەكىلدى ەكسپورتتاۋشىلاردى ساقتاندىرۋ تەتىكتەرىمەن قامتۋ ءۇشىن 200 ملرد تەڭگەگە جۋىق قاراجات جۇمساۋ قاراستىرىلىپ وتىر.

ساۋدا جانە ينتەگراتسيا ۆيتسە-ءمينيسترى قايرات تورەباەۆتىڭ ايتۋىنشا، وتاندىق ەكسپورتتاۋشىلاردى قوسىلعان قۇنى جوعارى تاۋارلار وندىرىسىنە داعدىلاندىرۋ ماقساتىندا قوسىلعان قۇنى جوعارى جانە جەرگىلىكتى قامتۋ ۇلەسى بار تاۋارلاردىڭ شىعىندارىن 80%-عا دەيىن وتەۋدى كوزدەيتىن تۇزەتۋلەر پاكەتى قابىلداندى. شيكىزاتتىق ەمەس ءونىمنىڭ ەكسپورتىن ارتتىرۋعا بايلانىستى سالالىق ورگان بيزنەس پەن ءتيىستى ۆەدومستۆولاردى جۇمىلدىرىپ، سىرتقى ساۋدادا الەۋەتتى تاۋارلار مەن قىزمەتتەردىڭ ەكسپورتىن جەدەلدەتەتىن جوبانى ىسكە قوستى. جۇرگىزىلگەن تالداۋ 2025 جىلعا قاراي تاۋارلار مەن قىزمەتتەردىڭ قوسىمشا 16 پوزيتسياسى بويىنشا 17،3 ملرد دوللار كىرىس تابۋعا مۇمكىندىك بەرەتىنىن كورسەتىپ وتىر.

ەكىنشىدەن، جاۋاپتى ۆەدومستۆونىڭ الدىنا قويىلعان مىندەتتەردىڭ ءبىرى – جاڭا «ونەركاسىپتىك ساياسات تۋرالى» زاڭدا قاراستىرىلاتىن وتاندىق وڭدەلگەن تاۋارلار مەن كورسەتىلەتىن قىزمەتتەردى تۇتىناتىن شەتەلدىك ساتىپ الۋشىلاردى ساۋدا قارجىلىق مولشەرلەمەسىمەن سۋبسيديالاۋ. بۇدان باسقا مينيسترلىكتىڭ باستاماسىمەن «قازاقستان رەسپۋبليكاسىنىڭ ەكسپورتتىق-كرەديتتىك اگەنتتىگى تۋرالى» زاڭ جوباسى دايىندالماق. بۇل ءوز كەزەگىندە قارجى نارىعىن رەتتەۋ جانە دامىتۋ اگەنتتىگىنىڭ باقىلاۋىنان شىعۋعا مۇمكىندىك بەرەدى.

ۇشىنشىدەن، ەكسپورتقا باعدارلانعان كاسىپورىندارعا مەملەكەتتىك قولداۋ شارالارىن شوعىرلاندىرۋ ەسەبىنەن ەكسپورتتىق پورتالدىڭ قىزمەتىن كەڭەيتىپ، بىرىڭعاي تسيفرلى تەرەزە – Digital Export-ءتى قۇرۋ جوسپارلانۋدا. دەسە دە www.export.gov.kz بىرىڭعاي ەكسپورتتىق پورتال بازاسىندا مەملەكەتتىك قولداۋ تەتىكتەرىن تسيفرلاندىرۋدى دامىتۋ جۇمىستارى جالعاسىپ جاتىر. قازىر وسى پورتال ارقىلى تاۋار وندىرۋشىلەر «ەكسپورتتىق اكسەلەراتسيا» باعدارلاماسىنا قاتىسۋعا، شىعىنداردىڭ ءبىر بولىگىن وتەۋگە، سونداي-اق وزەكتى ەكسپورتتىق ساراپتاما الۋعا وتىنىمدەر بەرە الادى.

ەلىمىزدە توتەنشە جاعداي ەنگىزىلگەننەن باستاپ ساۋدا مينيسترلىگىنىڭ بازاسىندا ەكسپورتتاۋشىلاردى قولداۋ باعىتىندا داعدارىسقا قارسى ورتالىق ىسكە قوسىلىپ، وندا سىرتقى نارىقتارعا تاۋارلاردى شىعارۋعا بايلانىستى تۋىندايتىن پروبلەمالاردى جەدەل شەشۋگە ارنالعان تەلەگرامم ارنانىڭ قىزمەتى قولعا الىندى. بۇگىندە شامامەن ەكسپورتتاۋشىلاردىڭ 700 ساۋال-وتىنىشتەرى وڭدەلدى.

سوڭعى جاڭالىقتار

ۇقساس جاڭالىقتار