جينالىستا مەيىرجان مىرزاليەۆ تۇركىستان وبلىسىندا قۇرىلىس قارقىندى ءجۇرىپ جاتقانىن جانە قۇرىلىس ماتەريالدارىنا باعانىڭ ءوسۋى, تۇرعىن ءۇي جانە الەۋمەتتىك نىسانداردىڭ سوڭعى تۇتىنۋشىعا اسا قىمبات بولۋىنا جول بەرىلمەيتىنىن ايتتى. سوندىقتان دا باعا تۇراقتاندىرىلماق. وبلىس اۋماعىندا قۇرىلىس يندۋسترياسى بويىنشا 50-دەن اسا كاسىپورىن جۇمىس اتقارادى. وتكەن جىلدىڭ قاڭتار-اقپان ايىندا وبلىستا 21,2 ملرد تەڭگەنىڭ ءونىمى ءوندىرىلىپ, وتكەن جىلمەن سالىستىرعاندا 137,9%-عا وسكەن. وڭدەۋ ونەركاسىبىندەگى قۇرىلىس سالاسىنىڭ ۇلەسى 8%-دان استامىن قۇرايدى.
باسەكەلەستىكتى قورعاۋ جانە دامىتۋ اگەنتتىگىنىڭ تۇركىستان وبلىسى بويىنشا دەپارتامەنتى باسشىسىنىڭ ورىنباسارى دانابەك ماحاتوۆ قازىرگى نارىقتاعى قۇرىلىس ماتەريالدارىنىڭ نەگىزسىز قىمباتتاۋى بويىنشا قۇرىلىس ونىمدەرىن وندىرەتىن كاسىپورىن جەتەكشىلەرىنە تۇسىندىرمە جۇمىستارىن جۇرگىزدى.
ءماجىلىس بارىسىندا, قۇرىلىس ماتەريالدارىنىڭ نەگىزسىز ءوسۋ سەبەپتەرى تالقىلاندى. ءماجىلىس قورىتىندىسى بويىنشا وبلىس اكىمىنىڭ ورىنباسارى م.مىرزاليەۆ ەلباسىنىڭ «تۇركىستان قالاسىن كوركەيتۋ», مەملەكەت باسشىسىنىڭ «تۇرعىن ءۇي نارىعىنداعى باعانىڭ نەگىزسىز وسۋىنە جول بەرمەۋ» تاپسىرمالارىن ورىنداۋ ماقساتىندا جەرگىلىكتى اتقارۋشى ورگاندارعا قۇرىلىس ماتەريالدارىنىڭ باعالارىن قاداعالاۋعا, جەدەل جۇمىس توبىن قۇرۋدى, قۇرىلىس ماتەريالدارىن وندىرەتىن كاسىپورىندارعا مونيتورينگ جۇمىستارىن 1 اپتا مەرزىمدە جۇرگىزۋدى تاپسىردى.
