قازاقستان اۋماعىن باسقا مەملەكەتتەردەن جانۋارلاردىڭ جۇقپالى جانە ەكزوتيكالىق اۋرۋلارىنىڭ تارالۋىنان قورعاۋ, ۆەتەريناريالىق-سانيتاريالىق قاۋىپسىزدىكتى قامتاماسىز ەتۋ, حالىقتىڭ دەنساۋلىعىن جانۋارلار مەن ادامعا ورتاق اۋرۋلاردان قورعاۋ ءۇشىن رەسپۋبليكانىڭ ۆەتەريناريالىق قىزمەتى ۆەتەريناريالىق-پروفيلاكتيكالىق ءىس-شارالار ۇيىمداستىرىپ, مالدى ۋاقتىلى دياگنوستيكالاۋ جانە ۆاكتسينالاۋ جۇمىستارىن جۇرگىزەدى. وسىعان بايلانىستى اۋىل شارۋاشىلىعى مينيسترلىگىنىڭ ۆەتەرينارلىق باقىلاۋ جانە قاداعالاۋ كوميتەتى جىل سايىنعى يممۋندىق الدىن الۋ ءىس-شارالارىن جۇرگىزۋ ءۇشىن سەرتيفيكاتتالعان ۆەتەريناريالىق پرەپاراتتارمەن قامتاماسىز ەتەدى.
حالىقارالىق ەپيزووتيالىق بيۋرونىڭ تىزىلىمىنە ءتۇرلى اۋرۋلار مەن ينفەكتسيالاردىڭ 88 ءتۇرى ەنگىزىلگەن.
قازاقستاندىق تىزىلىمدە تەك 68 ءتۇرى تىركەلگەن. ولار ءبىزدىڭ ەلىمىزدە كەڭەستىك كەزەڭنەن بەرى كەلە جاتىر.
قازىرگى ۋاقىتتا ونىڭ 45 ءتۇرى بويىنشا ەپيزووتيالىق جاعدايى تۇراقتى. ال, 23 تۇرىنە دياگنوستيكا جانە ۆاكتسينالاۋ بويىنشا ارنايى ۆەتەريناريالىق-پروفيلاكتيكالىق ءىس-شارالار جۇرگىزىلۋدە.
ونىڭ ىشىندە جانۋارلار مەن قۇستاردى ۆاكتسينالاۋ بويىنشا 151,1 ملن مانيپۋلياتسيا, سونداي-اق 68,1 ملن دياگنوستيكالىق زەرتتەۋلەر جۇرگىزۋ جوسپارلانۋدا.
ءتيىستى جۇمىستاردى جەرگىلىكتى اتقارۋشى ورگاندار جانىنداعى مەملەكەتتىك ۆەتەريناريالىق ۇيىمدار بيىل اقپان-ناۋرىز ايلارىندا باستايدى.
