كەزدەسۋ بارىسىندا الەمدىك جانە ءداستۇرلى دىندەر ليدەرلەرى سەزى اياسىنداعى قازاقستان مەن ديل اراسىنداعى ىنتىماقتاستىقتى نىعايتۋدىڭ جولدارى قارالىپ, دىنارالىق جانە وركەنيەتارالىق ديالوگتى حالىقارالىق دەڭگەيدە ىلگەرىلەتۋ بويىنشا پىكىر الماسىلدى.
وسى رەتتە ەلشى م.ءال-يساعا قازاقستان پارلامەنتى سەناتىنىڭ توراعاسى, الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ باسشىسى ماۋلەن اشىمباەۆتىڭ اتالعان باعىتتاعى ءوزارا ىقپالداستىقتى تەرەڭدەتۋ ماقساتىندا قازاقستانعا رەسمي ساپارمەن كەلۋگە شاقىرعان حاتىن تابىس ەتتى.
سونىمەن قاتار, وتاندىق ديپلومات سۇحباتتاسىن قازاقستاندا ورىن الىپ جاتقان ماڭىزدى وقيعالارمەن, سونىڭ ىشىندە قاڭتار ايىندا وتكەن پارلامەنتتىك سايلاۋ ناتيجەلەرىمەن, پرەزيدەنت قاسىم-جومارت توقاەۆ جاريالاعان ساياسي رەفورمالاردىڭ ءۇشىنشى پاكەتىنىڭ نەگىزگى مازمۇنىمەن, ەلىمىز تاۋەلسىزدىگىنىڭ 30-جىلدىعىن اتاپ ءوتۋ اياسىنداعى شارالارمەن تانىستىرىپ ءوتتى.
ءوز تاراپىنان م.ءال-يسا ديل-ءدىڭ الەمدىك جانە ءداستۇرلى دىندەر ليدەرلەرى سەزى قىزمەتىن تولىق قولدايتىنىن قۋاتتادى جانە ونىڭ حاتشىلىعىمەن ىنتىماقتاستىقتى بارىنشا تەرەڭدەتۋگە, الەمدەگى كەلىسىم مەن ۇيلەسىمدى, دىندەر اراسىنداعى ءوزارا قۇرمەت پەن سىيلاستىقتى نىعايتۋ باعىتىندا بىرلەسىپ جۇمىستى جالعاستىرۋعا دايىندىعىن ءبىلدىردى.
سونداي-اق, ديل باس حاتشىسى كوپتەگەن ەتنوستار مەن كونفەسسيالار وكىلدەرىنىڭ تاتۋلىق پەن كەلىسىمدە ءومىر ءسۇرۋىن قامتاماسىز ەتكەن قازاقستان باسشىلىعىنىڭ سىندارلى ساياساتىنا, ەلىمىزدە جۇرگىزىلىپ جاتقان ساياسي جانە الەۋمەتتىك-ەكونوميكالىق قايتا قۇرۋلارعا, تاۋەلسىز دامۋ جىلدارىندا قول جەتكىزگەن جەتىستىكتەرىنە جوعارى باعا بەردى.
