ديپلوماتيالىق كورپۋس الدىندا ءوزىنىڭ سوزىندە ريم پاپاسى فرانتسيسك باسقا ەلدەرگە اپوستولدىق ساپارلارىن قايتا باستاعىسى كەلەتىنىن اتاپ ءوتتى. ول «مۇنداي ساپارلار پىكىر الماسۋ جانە ديالوگ رۋحىندا ءارتۇرلى دىندەر اراسىندا جاقسى قارىم-قاتىناس ورناتۋعا مۇمكىندىك بەرگەنىنە جانە قازىرگى ۋاقىتتا دىندەر اراسىنداعى ديالوگ حالىقتار مەن مادەنيەتتەردى جاقىنداستىرۋدىڭ ماڭىزدى قۇرالى بولىپ تابىلاتىندىعىنا» ەرەكشە كوڭىل اۋداردى.
ەلشىمەن سۇحبات بارىسىندا ريم پاپاسى فرانتسيسك قازاقستان باسشىلىعىنا – تۇڭعىش پرەزيدەنتى-ەلباسى نۇرسۇلتان نازارباەۆقا جانە مەملەكەت باسشىسى قاسىم-جومارت توقاەۆقا جىلى لەبىزدەرىن جەتكىزۋدى سۇرادى. سۇحباتتاسۋشىنا العىسىن بىلدىرە وتىرىپ, ەلشى ونىڭ نۇر-سۇلتاندا وتەتىن الەمدىك جانە ءداستۇرلى دىندەر ليدەرلەرىنىڭ سەزىنە قاتىساتىندىعىنا ءۇمىت ءبىلدىردى.
ۆاتيكانعا ساپارى بارىسىندا ءا.باكاەۆ قاسيەتتى تاق حاتشىسىنىڭ باسقا مەملەكەتتەرمەن بايلانىس جونىندەگى ورىنباسارى (سىرتقى ىستەر ءمينيسترىنىڭ ورىنباسارى) مونسينور ميروسلاۆ ۆاحوۆسكيمەن كولىسسوزدەر جۇرگىزدى. كەزدەسۋ بارىسىندا ول ەلىمىزدە بولىپ جاتقان ساياسي رەفورمالار جانە قازاقستان رەسپۋبليكاسى پارلامەنتى ماجىلىسىنە سايلاۋ ناتيجەلەرى تۋرالى حاباردار ەتتى.
كەلىسسوزدەردىڭ نەگىزگى كۇن ءتارتىبى – ەكىجاقتى ىنتىماقتاستىقتىڭ وزەكتى ماسەلەلەرىن تالقىلاۋى بولدى, اتاپ ايتقاندا, قازاقستان رەسپۋبليكاسى پارلامەنتى سەناتىنىڭ توراعاسى – الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ باسشىسى ماۋلەن اشىمباەۆتىڭ ۆاتيكانعا الداعى ساپارى, ۆاتيكاننىڭ اتالعان سەزگە قاتىسۋى, ۆاتيكان بانكىنىڭ AIFC قارجى الاڭىن دامىۋنا قاتىستى پەرسپەكتيۆالار جانە قاسيەتتى تاق پەن قازاقستان اراسىنداعى مادەني-گۋمانيتارلىق بايلانىستاردى كەڭەيتۋى.
مونسينور م. ۆاحوۆسكي ءوز تاراپىنان ەكى مەملەكەت ىنتىماقتاستىعىنىڭ نىعايۋىن ورىندالۋىن قامتاماسىز ەتۋ ءۇشىن بىرلەسكەن جۇمىستى جالعاستىرۋدىڭ ماڭىزدىلىعىن اتاپ ءوتتى.
قازاقستان مەن ۆاتيكان اراسىنداعى ەكىجاقتى قاتىناستار 1992 جىلى 17 قازاندا ورناتىلدى. 1998 جانە 2009 جىلدارى قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ ۆاتيكانعا رەسمي ساپارلارى ءوتتى, ال 2001 جىلى ەلباسىنىڭ شاقىرۋىمەن ريم پاپاسى يوانن پاۆەل II قازاقستانعا العاش رەت مەملەكەتتىك پاستورلىق ساپارمەن كەلدى.
