قوعام بەلسەندىسىنىڭ سوزىنشە, توتەنشە قىزمەتتەردىڭ قولجەتىمدىلىگىن قامتاماسىز ەتەتىن قازىرگى باقىلاۋ جانە ۇيىمداستىرۋ تەتىكتەرى ءتيىمسىز جۇمىس ىستەيتىندىكتەن شۇعىل تۇردە قايتا قاراۋدى قاجەت ەتەدى.
«بۇگىندە ءبىز ءار سەكۋند شەشۋشى ءرول اتقاراتىن جاعدايعا تاپ بولىپ وتىرمىز. الايدا سول قىمبات ۋاقىت جابىق اۋلالار, كولىككە تولى تۇراقتار مەن قاراپايىم ءتارتىپتىڭ جوقتىعى سالدارىنان جوعالىپ جاتىر. بۇل ەندى جەكەلەگەن جاعداي ەمەس – بۇل جۇيەلى ماسەلە», دەدى ولجاس قۇسپەكوۆ.
ەلىمىزدە تىركەلگەن ءورت وقيعالارىنىڭ شامامەن 62 پايىزى تۇرعىن ءۇي سەكتورىنا تيەسىلى ەكەندىگىن اتاپ وتكەن ول اتالعان ماسەلە ادام كوپ جينالاتىن نىساندارعا دا قاتىستى ەكەندىگىن جەتكىزدى.
كولىك كوپ, ورىن از: اۆتوتۇراق ماسەلەسى قالاي رەتتەلەدى؟
«ماسەلە تەك تۇرعىن ءۇي كەشەندەرىنە عانا ەمەس, جەكە سەكتورعا, كوممەرتسيالىق نىساندارعا, الەۋمەتتىك مەكەمەلەرگە جانە ادامدار كوپ جينالاتىن باسقا دا ورىندارعا قاتىستى. جابىق وتكەلدەر, ىستەن شىققان گيدرانتتار, ورتكە قارسى جابدىقتاردىڭ بولماۋى جانە باسقارۋشى ۇيىمداردىڭ فورمالدى باقىلاۋى – مۇنىڭ ءبارى ادام ومىرىنە تىكەلەي قاۋىپ توندىرەدى», دەگەن قوعام بەلسەندىسى دەپۋتاتتىق ساۋال اياسىندا ناقتى ۇسىنىستار جولدادى.
نۇربولات امانبەك
