پروكۋراتۋرانىڭ مالىمەتىنشە, بىرقاتار مەكەمەلەر ليتسەنزياسىز كونسۋلتاتسيالىق-دياگنوستيكالىق قىزمەت كورسەتىپ, ونىڭ ۇستىنە ساپا تالاپتارىن ساقتاماعان. ماسەلەن, وبلىستاعى جەكەمەنشىك كلينيكالاردىڭ بىرىندە ءتيىستى رۇقسات قۇجاتتارىنسىز ءتۇرلى ماماندار اتىنان 28 مىڭنان استام قابىلداۋ راسىمدەلىپ, ناتيجەسىندە 91 ملن تەڭگە الىنعان.
ەلىمىزدە 406 جەكە ەمشارا كابينەتى ليتسەنزياسىز قىزمەت كورسەتكەن
اتالعان دەرەك بويىنشا ءىس قىلمىستىق كودەكستىڭ 214-بابى نەگىزىندە تىركەلىپ, تەرگەۋدى ەكونوميكالىق تەرگەپ-تەكسەرۋ دەپارتامەنتى جۇرگىزگەن. كەيىن كەلتىرىلگەن زالال تولىق وتەلگەندىكتەن, ءىس اقتالمايتىن نەگىزدەر بويىنشا توقتاتىلعان.
سونىمەن قاتار تەكسەرىس كەزىندە 203 ملن تەڭگەگە جالعان ستوماتولوگيالىق قىزمەت كورسەتۋ دەرەكتەرى دە انىقتالدى. ەكى اففيليرلەنگەن كلينيكا قاعاز جۇزىندە ءۇش دارىگەردى تىركەپ, ەلەكتروندىق جۇيە ارقىلى جۇكتى ايەلدەر مەن بالالارعا كورسەتىلگەندەي ەتىپ 40 مىڭعا جۋىق جالعان قىزمەت ەنگىزگەن.
تەكسەرۋ بارىسىندا ءبىر دارىگەردىڭ ءبىر كۇندە بىرنەشە كلينيكادا قاتار قىزمەت كورسەتكەنى تۋرالى كۇماندى دەرەكتەر تىركەلگەن. قارسى تەكسەرۋلەر مەن پاتسيەنتتەردىڭ جاۋابى بۇل اقپاراتتاردىڭ شىندىققا جاناسپايتىنىن راستادى.
«928 ملن تەڭگە»: تۇركىستان وبلىسىندا ۆەتەرينارلىق قىزمەت مەملەكەتتەن ءىرى قاراجات جىمقىرعان
وسى فاكتىلەر بويىنشا ارنايى پروكۋرورلار قىلمىستىق كودەكستىڭ 190-بابى بويىنشا سوتقا دەيىنگى تەرگەپ-تەكسەرۋ جۇرگىزىپ, ءىس ماتەريالدارىن سوتقا جولدادى.
