فوتو: egemen.kz/قىرمىزى جۇماعاليقىزى
دەنساۋلىق ساقتاۋ مينيسترلىگىنىڭ مالىمەتىنشە, بۇل شارالار ەلىمىزدە دارىگەرلەر تاپشىلىعىن 20,4%-عا, ورتا بۋىن مەديتسينا قىزمەتكەرلەرىنىڭ تاپشىلىعىن 13%-عا تومەندەتۋگە, كادرلارمەن قامتاماسىز ەتۋ دەڭگەيىن ەىدۇ ەلدەرى دەڭگەيىنە جەتكىزۋگە, سونداي-اق سوڭعى 5 جىلدىڭ ىشىندە مەديتسينا قىزمەتكەرلەرىنىڭ سىرتقى كوشى-قونىن شامامەن 5 ەسەگە قىسقارتۋعا مۇمكىندىك بەرگەن. اتاپ ايتقاندا, سوڭعى ەكى جىلدىڭ ىشىندە مەديتسينا قىزمەتكەرلەرىنىڭ كاسىبي جاۋاپكەرشىلىگىن ساقتاندىرۋعا, قىزمەتتىك مىندەتتەرىن اتقارۋ كەزىندە مەديتسينا قىزمەتكەرلەرىنە قاتىستى دەنە جاراقاتىن كەلتىرۋ مەن قاتىگەزدىك كورسەتۋ ءۇشىن جاۋاپكەرشىلىكتى كۇشەيتۋگە باعىتتالعان بىرقاتار زاڭ قابىلداندى, سونداي-اق قاۋىپسىز ەڭبەك جاعدايلارىن قامتاماسىز ەتۋ بويىنشا شارالار ەنگىزىلدى.
اۋىلدىق جەرلەردەگى اسا تاپشى ماماندىقتار بويىنشا (اكۋشەرلىك جانە گينەكولوگيا, پەدياتريا, انەستەزيولوگيا جانە رەانيماتولوگيا جانە ت.ب.) مەديتسينا قىزمەتكەرلەرىن ىنتالاندىرۋ ماقساتىندا 100 ەڭ تومەنگى جالاقى مولشەرىندە نەمەسە 8,5 ملن تەڭگە كولەمىندە بىرجولعى الەۋمەتتىك تولەمدەر بەرۋ كوزدەلگەن. سونىمەن قاتار مەديتسينا قىزمەتكەرلەرىنە قىزمەتتىك تۇرعىن ءۇي بەرۋ, كوتەرمە جاردەماقى تولەۋ, كوممۋنالدىق شىعىستاردى وتەۋ جانە باسقا دا جەڭىلدىكتەر تۇرىندە قوسىمشا الەۋمەتتىك قولداۋ شارالارى قاراستىرىلعان.
ۇشاقتاعى توسىن جاعداي: دارىگەر جۇكتى ايەلگە اۋەدە كومەك كورسەتتى
مەديتسينا كادرلارىنىڭ سىرتقى كوشى-قونى ايتارلىقتاي قىسقارعانى بايقالادى. سوڭعى بەس جىلدىڭ ىشىندە شەتەلگە كەتەتىن مامانداردىڭ سانى شامامەن 5 ەسەگە ازايعان. ماسەلەن, 2021 جىلى – 904, 2022 جىلى – 668, 2023 جىلى – 429, 2024 جىلى – 280, 2025 جىلى – 186 مامان شەتەلگە قونىس اۋدارعان.
