2020 جىلدىڭ قاڭتار-جەلتوقسانىندا ەلىمىزدە 24,6 مىڭ توننا سارى ماي ءوندىرىلىپ, ءوندىرىس ءبىر جىلدا 30,1%-عا وسكەن. بۇل – رەكوردتىق كورسەتكىش. الايدا ءونىم 13%-عا قىمباتتاعان. سارى ماي ءوندىرىسىنىڭ ۇشتەن ەكىسى قازاقستاننىڭ 3 وڭىرىنە عانا تيەسىلى. ءبىرىنشى ورىندا 8,6 مىڭ توننا ماي وندىرگەن الماتى قالاسى ء(بىر جىلداعى ءوسىم - 41,3%) تۇر. مۇندا «Adal ءسۇت» جشس, «ماسلو — دەل FOOD», «سولنەچنىي» جانە باسقا دا ءسۇت زاۋىتتارى ورنالاسقان. ەكىنشى ورىندا – 3,8 مىڭ توننا ماي وندىرگەن قوستاناي وبلىسى ء(بىر جىلداعى ءوسىم - 24,8%). وڭىردە «پك ۆيتا» جشس, «دەپ» جشس جانە تاعى باسقا كومپانيالار جۇمىس ىستەيدى. ۇزدىك ۇشتىككە 3,7 مىڭ توننا ماي وندىرگەن سولتۇستىك قازاقستان وبلىسى ەندى.
مۇندا «ماسلو-دەل» جشس-نىڭ فيلليالى, «مولپرودۋكت» جشس جانە تاعى باسقا كومپانيالار بار. جالپى ەلىمىزدە سارى مايمەن ءوزىن-ءوزى قامتاماسىز ەتۋ دەڭگەيى وتە جوعارى. 2020 جىلدىڭ 11 ايىنىڭ قورىتىندىسى بويىنشا وتاندىق نارىقتا ساتىلعان 4 كەلى مايدىڭ ۇشەۋىن قازاقستاندىق ماي وندىرۋشىلەر شىعارعان. وسى كەزەڭدە وتاندىق كومپانيالار وندىرگەن ءونىم 26%-عا, ال يمپورت بىردەن 1,5 ەسە وسكەن.
وسىلايشا, جالپى سۇرانىستاعى جەرگىلىكتى ءوندىرىستىڭ ۇلەسى (ىشكى جانە سىرتقى نارىقتا ساتۋ) 77,5% بولدى. وتكەن جىلى بۇل كورسەتكىش 80,2% بولعان ەدى. سارى مايدىڭ بولشەك ساۋداداعى باعاسى قازاقستان قالالارى بويىنشا ورتاشا ەسەپپەن التىنشى جىل قاتارىنان ءوسىپ كەلەدى.
سوڭعى جىلى ول 13,2%-عا ارتتى (2021 جىلدىڭ قاڭتارىندا ءبىر كەلى سارى مايدىڭ باعاسى 2,7 مىڭ تەڭگەگە دەيىن ءوستى). ەڭ قىمبات سارى ماي اتىراۋدا, ونىڭ ءبىر كەلىسى 3,2 مىڭ تەڭگە (+3,3%). كەيىن تىزىمدە نۇر-سۇلتان, اقتاۋ (مۇندا 1 كەلى سارى ماي - 3,1 مىڭ تەڭگە), قاراعاندى, الماتى (بۇل قالالاردا ورتاشا ەسەپپەن 1 كەلى سارى ماي - 3,1 مىڭ تەڭگە) تۇر.
قازاقستاننىڭ ءىرى قالالارى مەن مەگاپوليستەرى اراسىندا سارى ماي پاۆلوداردا بىردەن 30,8%-عا قىمباتتادى. الماتى (+29%) جانە تۇركىستاندا (+22,8%) باعالار ايتارلىقتاي وسكەن. سارى ماي تەك اقتاۋ (22,4%-عا) جانە وسكەمەندە (1,9%-عا) ارزانداعان.
