پاندەميا جاعدايىن ەسكەرە وتىرىپ, ازاماتتاردى قابىلداۋ ونلاين تۇردە جۇزەگە اسىرىلادى.
زاڭگەرلەر – دۇيسەنبى ساعات 10.00-دەن 13.00-گە دەيىن
ادۆوكاتتار – سەيسەنبى جانە بەيسەنبى ساعات 10.00-دەن 13.00-گە دەيىن
مەدياتورلار – سارسەنبى جانە جۇما ساعات 10.00-دەن 13.00-گە دەيىن
نوتاريۋستار – جۇما ساعات 15.00-دەن 17.00-گە دەيىن.
كونسۋلتاتسياعا جازىلۋ ءۇشىن تومەندەگى بايلانىس نومىرلەرىنە حابارلاسۋ قاجەت:
1. Call-ورتالىق 8 800 080 4441 (قازاقستان بويىنشا قوڭىراۋ شالۋ تەگىن);
2. Whatsapp مەسسەندجەرى 8 700 800 4441
3. komek@nurotan.kz
جوبانىڭ سەرىكتەستەرى: «قازاقستان زاڭگەرلەرىنىڭ وداعى» رقب, رەسپۋبليكالىق ادۆوكاتتار القاسى, «حالىقارالىق مەدياتسيا ورتالىعى» رقب جانە رەسپۋبليكالىق نوتارياتتىق پالاتا.
پارتيا ءباسپاسوز قىزمەتىنىڭ مالىمەتىنشە, 2020 جىلدىڭ قىركۇيەگىنەن باستاپ «Nur Otan» پارتياسىنىڭ رەسپۋبليكالىق قوعامدىق قابىلداۋ بولمەسىندە وتباسى, ايەلدەر جانە بالالار قۇقىقتارى, سونداي-اق تۇرمىستىق زورلىق-زومبىلىققا قارسى ءىس-قيمىل ماسەلەلەرى بويىنشا «111 شۇعىل قىزمەت» ارنايى بايلانىس ورتالىعى ىسكە قوسىلدى. وعان 5 ايعا جەتپەيتىن ۋاقىت ىشىندە 5,8 مىڭنان استام قوڭىراۋ ءتۇستى.
جالپى, وتكەن جىلى «Nur Otan» پارتياسىنىڭ قوعامدىق قابىلداۋ بولمەسىنە ەلىمىز بويىنشا 393 مىڭنان اسا ءوتىنىش ءتۇستى. بۇل – 2019 جىلمەن سالىستىرعاندا 2 ەسە كوپ. بۇل رەتتە سوڭعى 5 جىلدا پارتياعا 1,2 ملن ادام جۇگىندى, ونىڭ ىشىندە 423 مىڭنان استامى – ونلاين فورماتتا. ولاردىڭ 92% وڭ شەشىمىن تاپتى, تەگىن كونسۋلتاتيۆتىك, قۇقىقتىق جانە وزگە دە كومەك كورسەتىلدى.
