ەكپە العاننان كەيىن كەيبىر ادامنىڭ ءوزىن ءالسىز سەزىنىپ, قىزۋى كوتەرىلۋى ىقتيمال. سونداي-اق ەككەن جەر اۋىرىپ, ءىسىنۋى مۇمكىن. دەگەنمەن مۇنىڭ ءبارى – قالىپتى جاعداي.
ا.مانتاكوۆانىڭ ايتۋىنشا, وبلىستا كوروناۆيرۋسقا قارسى كۇنى بۇگىنگە دەيىن 500-دەي ادام ەگىلىپ ۇلگەردى.
اقپان ايى بويى مەديتسينا قىزمەتكەرلەرىن ەگۋ جالعاسادى. ال ناۋرىزدا وبلىسقا 8 مىڭ دوزا ۆاكتسينا جەتكىزىلەدى دەپ جوسپارلانۋدا. ول كەزدە حالىقتىڭ باسقا توپتارىن دا ەگۋ باستالادى.
ورال قالالىق №3 ەمحانانىڭ نەۆرولوگ دارىگەرى داريعا ۇمبەتياروۆا دا ەكپەدەن قورقۋدىڭ قاجەتى جوقتىعىن, ادامنىڭ ءوزىنىڭ دەنساۋلىعى ءۇشىن سالىنىپ جاتقاندىعىن جەتكىزدى.
«مەن دە ەكپە الدىم, ەشقانداي رەاكتسيا بولعان جوق. ارينە, باستاپقى ءۇش كۇندە ساقتانۋ كەرەك. ياعني سۋعا تۇسۋگە, ادام كوپ باراتىن جەرلەرگە بارۋعا بولمايدى. جالپى, كىم-كىم دە كارانتين تالابىن ساقتاپ, وعان قوسا ىندەتكە قارسى ەگىلسە, ءبىز ودان تەز قۇتىلامىز دەپ ويلايمىن», دەدى دارىگەر.
