وتكەن جىلى 2 جاڭا مەديتسينالىق نىسان پايدالانۋعا بەرىلدى. اتاپ ايتقاندا, ءبىر اۋىسىمدا 250 ادامدى قابىلداۋعا مۇمكىندىگى بار «اتامەكەن» ەمحاناسى سوعىلدى. مەكەمە قايتپاس-1, تاسكەن, نۇرتاس شاعىن اۋداندارىنىڭ تۇرعىندارىنا قىزمەت كورسەتەدى. ال, ەكىنشى نىسان اسار شاعىن اۋدانىنان بوي كوتەرگەن قالالىق ينفەكتسيالىق ورتالىق. ءمودۋلدى اۋرۋحانادا بۇگىنگى تاڭدا پنەۆمونيا, كوروناۆيرۋس ينفەكتسياسىنا شالدىققان ناۋقاستار ەم قابىلداۋدا.
سونىمەن قاتار, 7 مەكەمەگە كۇردەلى جوندەۋ جۇمىستارى جۇرگىزىلدى. ونىڭ ىشىندە №2 «فورفورشىلار اۋرۋحاناسى» تولىق قايتا جوندەۋدەن ءوتتى. مۇندا سوڭعى ۇلگىدەگى انگيوگراف اپپاراتى ورناتىلدى. سايرام ەلدىمەكەنىندە ورنالاسقان قالالىق №3 اۋرۋحاناعا كۇردەلى جوندەۋ جۇمىسىنان كەيىن كت, رەنتگەن, ۋزي اپپاراتتارى ورناتىلدى.
دەنساۋلىق ساقتاۋ باسقارماسىنىڭ الداعى جوسپارلارىنا سايكەس, ينۆەستورلار كومەگىمەن 4 ەمحانا سالىنباق. ولاردىڭ قاتارىندا №9, 11, 12, 14 ەمحانالار جانە 400 ورىندىق بالالار مەن ەرەسەكتەرگە ارنالعان رەابيليتاتسيالىق ورتالىق بار. بۇدان وزگە قالالىق بوسانۋ ءۇيى اۋماعىندا قوسىمشا 200 ورىنعا لايىقتالعان بوسانۋ ءۇيىنىڭ كورپۋسىن سالۋ جوسپاردا تۇر.
