اگەنتتىكتىڭ اپپارات باسشىسى ق.جاپاقوۆتىڭ مودەراتورلىعىمەن قۇجاتتى تالقىلاۋعا ەلدەگى جەمقورلىقتى جويۋعا جانە قوعامدا پاراساتتىلىق مادەنيەتىن قالىپتاستىرۋعا بەلسەندى جاردەمدەسۋگە مۇددەلى ۇكىمەتتىك ەمەس ۇيىمداردىڭ وكىلدەرى قاتىستى.
ولاردىڭ اراسىندا «جاڭارۋ» سىبايلاس جەمقورلىققا قارسى جالپىۇلتتىق قوزعالىسى, ءبىرىنشى سىبايلاس جەمقورلىققا قارسى مەديا-ورتالىق, قازاقستاننىڭ ازاماتتىق اليانسى, قازاقستانداعى پارلامەنتاريزمدى دامىتۋ قورى, «اتامەكەن» ۇلتتىق كاسىپكەرلەر پالاتاسى, «فاكت» قۇقىقتىق اقپارات جانە جۋرناليستىك تەرگەۋ بيۋروسى, «ادىلدىك جولى» قب, جاس زاڭگەرلەر پالاتاسى, اگەنتتىك جانىنداعى ارنايى مونيتورينگ توبى, قوعامدىق كەڭەسى, ارداگەرلەر كەڭەسى مەن عىلىمي ساراپشىلار كەڭەسى بار.
ستراتەگيا جانە جەدەل باسقارۋ دەپارتامەنتىنىڭ ديرەكتورى ن.جاقسىمبەتوۆ قۇجاتتى تانىستىرا وتىرىپ, وندا ۋاكىلەتتى ورگاننىڭ, باسقا دا مەملەكەتتىك ورگانداردىڭ, قوعامدىق بىرلەستىكتەر مەن كۆازيمەملەكەتتىك سەكتور سۋبەكتىلەرىنىڭ سىبايلاس جەمقورلىققا قارسى ءىس-قيمىلعا قوسقان ۇلەسى قامتىلعانىن اتاپ ءوتتى.
سىبايلاس جەمقورلىققا قارسى اعارتۋ, ونىڭ الدىن الۋ, قوعاممەن سەرىكتەستىك, جاۋاپكەرشىلىكتىڭ بۇلتارتپاستىعى جونىندە قابىلدانعان زاڭنامالىق جانە پراكتيكالىق شارالار, سونداي-اق بۇۇ سىبايلاس جەمقورلىققا قارسى كونۆەنتسياسىنىڭ ەرەجەلەرىن, ەۋروپا كەڭەسىنىڭ (GRECO) باسشىلىق قاعيداتتارىن جانە ەىدۇ ۇسىنىمدارىن ەسكەرە وتىرىپ, سىبايلاس جەمقورلىققا قارسى ساياساتتى ودان ءارى جەتىلدىرۋ جونىندە ۇسىنىستار بەرىلدى.
COVID-19 پاندەمياسىمەن كۇرەس جونىندەگى شارالارعا بايلانىستى جەمقورلىق قىلمىستارىنىڭ الدىن الۋ تۋرالى اقپاراتقا ەرەكشە نازار اۋدارىلدى. سونداي-اق قازاقستاندا سىبايلاس جەمقورلىقتى قابىلداۋ دەڭگەيىن تاۋەلسىز باعالاۋ قورىتىندىلارى كورسەتىلدى.
سىبايلاس جەمقورلىققا قارسى ءىس-قيمىل جونىندەگى جۇيەلى شارالاردىڭ, ۇكىمەتتىك ەمەس سەكتوردىڭ بەلسەندى قاتىسۋىنىڭ ارقاسىندا, COVID-19 پاندەمياسىنىڭ جاعىمسىز اسەرىنە قاراماستان, قازاقستان Transparency International سىبايلاس جەمقورلىقتى قابىلداۋ يندەكسىندە (CPI) 2020 جىلى العاش رەت 38 بالل جينادى, بۇل 19 پوزيتسياعا جوعارى كوتەرىلۋگە جانە 180 ەلدىڭ اراسىندا 94-ورىندى يەلەنۋگە مۇمكىندىك بەردى.
تانىستىرىلىمنان كەيىن كەزدەسۋگە قاتىسۋشىلار سوڭعى جىلداردا سىبايلاس جەمقورلىققا قارسى ساياساتتاعى ەلەۋلى وڭ وزگەرىستەردى اتاپ ءوتىپ, ۇلتتىق بايانداما جوباسىن پىسىقتاۋ بويىنشا سىندارلى ۇسىنىستار ەنگىزدى.
اتاپ ايتقاندا, «جاڭارۋ» سىبايلاس جەمقورلىققا قارسى جالپىۇلتتىق قوزعالىسى» رقب ورتالىق اپپاراتىنىڭ باسشىسى جوبانى وڭىرلىك الەۋمەتتىك زەرتتەۋلەرمەن جانە سىبايلاس جەمقورلىققا قارسى ساياساتتىڭ ەلدىڭ الەۋمەتتىك-ەكونوميكالىق دامۋىنا اسەرىن باعالاۋمەن تولىقتىرۋدى ۇسىندى.
قازاقستاننىڭ ازاماتتىق اليانسىنىڭ ديرەكتورى ءا.تاجىباەۆ سىبايلاس جەمقورلىققا قارسى اعارتۋدى مەديا-كەڭىستىكتە كەڭىنەن جانە ناقتى تاراتۋدىڭ ماڭىزدىلىعىن اتاپ ءوتتى.
«ادىلدىك جولى» رقب اتقارۋشى ديرەكتورى م.ايتماعانبەت موبيلدىك مەملەكەتتىك قىزمەتتەردى كەڭەيتۋدى جىلدامداتۋ قاجەتتىگىنە نازار اۋداردى.
اگەنتتىك جانىنداعى عىلىمي ساراپشىلار كەڭەسىنىڭ جەتەكشىسى, ۇلىبريتانياداعى قازاقستاندىق PhD دوكتورلارى قاۋىمداستىعىنىڭ پرەزيدەنتى ا.سەمباەۆا وزگە بايانداماشىلارمەن قاتار جەمقورلىققا قارسى تاجىريبەدەگى عىلىمي نەگىزدەلگەن كوزقاراستىڭ ماڭىزدىلىعىن اتاپ ءوتتى.
سىبايلاس جەمقورلىققا قارسى جوبالار جونىندەگى باسقارۋشى كوميتەتتىڭ باسشىسى ج.تايجانوۆا جوبالىق مەنەدجمەنت اياسىندا سىبايلاس جەمقورلىققا قارسى ساياساتتىڭ عىلىمي نەگىزىن قۇرۋ قاجەتتىلىگىنە قاتىستى ارىپتەستەرىن قولدادى.
«TALAP» قولدانبالى زەرتتەۋلەر ورتالىعىنىڭ تالداۋشىسى ۆەدومستۆوارالىق سىبايلاس جەمقورلىققا قارسى رەيتينگتى ەنگىزۋدى, سونداي-اق ستاتيستيكالىق دەرەكتەردىڭ سەنىمدىلىگى مەن پراكتيكالىق قۇندىلىعىن ارتتىرۋدى ۇسىندى.
جالپى, جوبا ۇكىمەتتىك ەمەس ۇيىمدار تاراپىنان قولداۋعا يە بولدى, ورتاق ماقساتقا – قوعامدا سىبايلاس جەمقورلىقتى قۇبىلىس رەتىندە جويۋعا قول جەتكىزۋ ءۇشىن ءوزارا ءىس-قيمىلدى ودان ءارى نىعايتۋ قاجەتتىلىگى تۋرالى ورتاق پىكىرگە توقتالدى.
جوبا كەزدەسۋگە قاتىسۋشىلاردىڭ ۇسىنىستارىمەن پىسىقتالعاننان كەيىن مەملەكەت باسشىسىنا جونلدانادى جانە ماقۇلدانعان جاعدايدا باق-تا جاريالانادى.
