ساندىق رەتتەۋ تۇراقتى قاداعالاۋدى قاجەت ەتەتىن ماسەلەلەردى باسقارۋدى جاقسارتۋعا, اقپاراتتى جىلدام تەكسەرۋ, كەلىسۋدى تەزدەتۋ جانە زاڭسىز نەمەسە جالعان اقپارات بەرۋگە ارنالعان ارەكەتتەردى توقتاتۋ ءۇشىن ۇلكەن دەرەكتەر ادىستەرىن قولدانۋعا مۇمكىندىك بەرەدى.
بۇل سالانى رەتتەۋدىڭ ۇزدىك الەمدىك تاجىريبەلەرىنە سايكەس ەلدە ۇشۋ قاۋىپسىزدىگىن قامتاماسىز ەتۋدەگى تۇبەگەيلى جاڭا ءتاسىل. بۇل ءتاسىل قازاقستاندا العاش رەت ەنگىزىلۋدە.
قازاقستاننىڭ اۆياتسيالىق اكىمشىلىگىنىڭ باستاماسىمەن ءتۇرلى سالالار مەن ديستسيپلينادان تۇراتىن حالىقارالىق ماماندار توبىنىڭ بىرلەسكەن قولداۋىمەن تسيفرلى رەتتەۋشى قۇرىلدى, ونىڭ نەگىزىندە حالىقارالىق وزىق تاجىريبە, تاۋەكەلدەردى باسقارۋ جانە جەدەل دەرەكتەر جاتىر.
«Sunflower» جوباسىنىڭ ميسسياسى – اۋە كەمەسىنىڭ ورنالاسقان جەرى, ۇشۋ تاپسىرماسى جانە ۇشۋعا تاپسىرىس بەرۋشىنى انىقتاۋ تۋرالى سۇراۋلارعا جاۋاپ بەرە وتىرىپ, ۇشۋ تۋرالى دەرەكتەردى ىزدەۋگە جانە تالداۋعا مۇمكىندىك بەرەتىن ۆيزۋاليزاتسيا قۇرالىن قۇرۋ.
قازاقستاننىڭ اۆياتسيالىق اكىمشىلىگىنىڭ, "BusinessOptix" جانە "gluoNNet" ىنتىماقتاستىعىمەن جۇمىستا قولدانىلاتىن ءتاسىل ءبىر مەزگىلدە دەرەكتەردى پايدالانۋ مۇمكىندىكتەرىن زەرتتەۋدى جانە دەرەكتەر كەشەنىن الۋ كەزىندە اشىلاتىن كورىنىستى زەردەلەۋدى كوزدەدى. gluoNNet ۇشاقتاردى باقىلاۋعا ارنالعان يننوۆاتسيالىق قوسىمشانى قۇرۋ ارقىلى, Sunflower جوباسىنىڭ باعدارلامالىق جاساقتاماسىن دامىتۋعا ىقپال ەتتى. دەرەكتەردى تالداۋدىڭ ينتەگراتسيالانعان تەحنولوگياسى اۋقىمدى زەرتتەۋلەردىڭ سوڭعى ناتيجەلەرىنە نەگىزدەلگەن, بۇل ۇلكەن كولەمدەگى دەرەكتەردى وڭدەۋگە جانە كونتەكستىك تالداۋعا مۇمكىندىك بەرەدى.
بۇگىندە BusinessOptix پلاتفورماسىنداعى تسيفرلىق رەتتەۋشى قازاقستاننىڭ اۆياتسيالىق اكىمشىلىگىنىڭ تاۋەكەلدەرى مەن ونىمدىلىگى بويىنشا تولىق مالىمەتتەر بازاسىن ورنالاستىرۋدى قامتيتىن ءتۇرلى ىسكەرلىك تاپسىرمالار ءۇشىن ەنگىزىلگەن.
2019 جىلدىڭ ءساۋىر ايىندا اۋە كەمەلەرىنىڭ ورنالاسقان جەرى تۋرالى وڭدەلگەن سپۋتنيكتىك دەرەكتەر ءبىر ايدا 91 مىڭ بىرەگەي دەرەكتەردى, ءبىر كۇندە 37 مىڭ, جالپى العاندا شامامەن 0,5 تەرابايتتا 4 ميلليارد دەرەكتەردى ۇسىندى. ۇشاقتاردى سپۋتنيكتىك باقىلاۋ دەرەكتەرى ءاربىر 8 سەكۋند سايىن بەرىلەدى. دەرەكتەر سۇرانىستاردىڭ بولجامدى ايماقتارىن جىلدام وڭدەۋدى جەڭىلدەتۋ ءۇشىن قۇرىلىمدالعان.
«Sunflower» ينتەراكتيۆتى جانە ءوزارا بايلانىسقان مالىمەتتەر جيىنتىعى بەلگىلى ءبىر وقيعانى نەمەسە دەرەكتەر ءتۇرىن تالداۋعا مۇمكىندىك بەرەتىن الدىن الا انىقتالعان گرافيكتەر مەن كورىنىستەر جيىنتىعىن ۇسىنادى.
2020 جىلى قازاقستاننىڭ اۆياتسيالىق اكىمشىلىگى بۇۇ قولداۋىمەن اۋە كومپانيالاردىڭ قارۋدى زاڭسىز تاسىمالداۋىن انىقتاۋ, جانە بەك ەير اۋە كومپانياسىنىڭ افريكاعا زاڭسىز ۇشۋلارىن بەلگىلەۋ جونىندەگى تىكەلەي سۇراۋلارىنا ناقتى دەرەكتەرگە نەگىزدەلگەن جاۋاپتار الدى.
