شتاب ازاماتتىق قورعاۋ رەسپۋبليكالىق قىزمەتتەرىمەن تىعىز ءوزارا ءىس-قيمىل ورناتتى. بۇل تۋرالى قر تجم رەسمي وكىلى تالعات ءۋالي حابارلادى.
بارلىق جابىق جول ۋچاسكەلەرىندە پوستتار قويىلدى, ول جەرلەردە تجد, پد جانە جول قىزمەتى جۇمىس اتقارۋدا. اۆتوموبيل جولدارىنا جاقىن جەرلەردە جىلىتۋ پۋنكتتەرى ء(دامحانا, قوناق ءۇي) دايىندالىپ, ىسكە قوسىلدى.
تەحنيكانىڭ جينالۋىنا قاراي اۆتوكولوننالار پد جانە جول قىزمەتى قىزمەتكەرلەرىنىڭ جەتەگىمەن كەزەڭ-كەزەڭمەن وتكىزىلۋدە.
قازىرگى ۋاقىتتا نۇر-سۇلتان قالاسىنان ششۋچە قالاسى باعىتىندا 300-گە جۋىق اۆتوموبيل, ششۋچينسك قالاسىنان نۇر-سۇلتان قالاسىنا قاراي 500 اۆتوموبيل پد جانە جول قىزمەتى قىزمەتكەرلەرىنىڭ جەتەگىمەن جولعا شىقتى.
اۋا رايىنىڭ جاقسارۋىنا قاراي اۆتوموبيل جولدارىنىڭ كورسەتىلگەن ۋچاسكەلەرىندە قوزعالىستى شەكتەۋدى الىپ تاستاۋ تۋرالى ماسەلە قارالاتىن بولادى.
