اتىس ساباقتارى كليماتتىڭ قولايسىزدىعىنا قاراماستان دالالىق جاعدايدا جۇرگىزىلەدى. تاكتيكالىق ءىس-قيمىلدارمەن قارۋدى شەبەر قولدانۋ جانە بولىمشەلەردىڭ اتىسىن باسقارۋ, سونىمەن قاتار قاۋىپسىزدىك شارالارىن قاتاڭ ساقتاۋ شارالارى باستى نازاردا بولادى. جەكە قۇرام بوگدە جەردە ۇرىس قيمىلدارىن جۇرگىزۋ سىندى, ءوزارا ءىس-قيمىلدى ۇيىمداستىرۋ, ۆزۆودتىڭ اتىسىن باسقارۋ ماسەلەلەرىن پىسىقتايدى, سونداي-اق ۇرىس ماشينالارىن قوزعالىس كەزىندەگى اتۋ شەبەرلىگىن جەتىلدىرەدى.
«تانك اسكەري بولىمىندە ۆزۆودتاردىڭ جاۋىنگەرلىك اتىس دايارلىعى باستالدى. مۇندا اسكەري قىزمەتشىلەر ءوز ءىس-قيمىلدارىن شتاتتىق جاۋىنگەرلىك تەحنيكالاردا پراكتيكالىق اتىس پەن تاكتيكالىق دايىندىق نورماتيۆتەرىن ورىنداپ, سونىمەن قاتار سىناقتار تاپسىراتىن بولادى. بارلىق ساباقتار سانيتارلىق نورمالاردى قاتاڭ ساقتاي وتىرىپ وتەدى. جەكە قۇرامنىڭ مورالدىق-پسيحولوگيالىق جاعدايى جوعارى دەڭگەيدە. ناۋرىز ايىندا اتىس دايارلىقتارىن قورىتىندىلايتىن بولامىز», - دەدى ءبولىم كومانديرىنىڭ جاۋىنگەرلىك دايارلىق جونىندەگى ورىنباسارى پودپولكوۆنيك ب. ءجۇسىپوۆ .
جاۋىنگەرلىك اتىستى قامتاماسسىز ەتۋ ءۇشىن جەكە قۇرام شتاتتىق قارۋلاردان وق اتىپ, جەكەلەگەن ماقساتتار بويىنشا جاياۋ اسكەردىڭ جاۋىنگەرلىك بمپ ماشيناسىنا ورناتىلعان زەڭبىرەكتەردەن تۇنگى جانە كۇندىزگى ۋاقىتتاردا نىسانالاردى كوزدەپ وق اتۋدى, سونداي-اق ناقتى جاۋىنگەرلىك جاعدايدا دالدەۋ تاپسىرمالارى مەن نورماتيۆتەرىن ورىندايدى.
