فوتو: inbusiness.kz
جولعا اقى تولەيتىندەر
«قازاۆتوجول» وكىلدەرىنىڭ ايتۋىنشا, ىلە اۋدانىندا تۇراتىن ازاماتتار بۇل جولمەن تەگىن ءجۇرۋ قۇقىعىنان ايىرىلدى. قازىر قولدانىستاعى زاڭناماعا سايكەس كولىگى الاتاۋ قالاسىندا تىركەلگەن جۇرگىزۋشىلەر عانا تەگىن جۇرە الادى. بىراق ىلە اۋدانىندا تىركەلگەن جەڭىل اۆتوموبيل مەن اۆتوبۋس ءۇشىن الماتى − قورعاس اقىلى اۆتوجولىنىڭ اۋدان اۋماعىنداعى بولىگىندە تەگىن ءجۇرۋ قۇقىعى ساقتالادى.
زارەچنوە مەن بايسەركەنىڭ تۇرعىندارى نە ىستەيدى؟
زارەچنوە اۋىلى مەن بايسەركە ساياجاي سەكتورى ەندى الاتاۋ قالاسىنا قوسىلاتىندىقتان اتالعان تاسجولدى اقىسىز پايدالانادى. الايدا اتالعان ەلدى مەكەندەردىڭ تۇرعىندارى قۇجاتتارىن الاتاۋ قالاسىنا اۋىستىرىپ ۇلگەرمەگەن. سوندىقتان ماشيناسى ءالى ىلە اۋدانىنداعى ەسكى مەكەنجايعا تىركەلىپ تۇرعان ازاماتتار ارنايى حقكو-عا جۇگىنىپ, تەحپاسپورتىن جاڭارتۋى قاجەت.
قىزمەت قۇنى – 1,25 اەك (5406 تەڭگە), مەملەكەتتىك ءنومىرى وزگەرمەيدى. «قازاۆتوجول» دەرەكقورىنداعى اقپارات اۆتوماتتى تۇردە جاڭارىپ, ولار اقى تولەۋدەن بوساتىلادى.
