اۆتوردىڭ ايتۋىنشا, ادامداردى COVID-19-عا قارسى ۆاكتسيناتسيالاۋعا ءماجبۇر ەتۋ ءۇشىن الماتى مەن الماتى وبلىسىنىڭ ءدارىحانالارىنان بىرقاتار ءدارى-دارمەكتى ساتىلىمنان الىپ تاستاۋ تۋرالى «جوعارىدان بۇيرىق كەلىپ تۇسكەن». بۇل جالعان.
دەنساۋلىق ساقتاۋ مينيسترلىگى بۇل اقپاراتتى جوققا شىعاردى. ۆەدومستۆونىڭ حابارلاۋىنشا, ءدارىحانالار مەن اۋرۋحانالاردا بىرقاتار ءدارى-دارمەكتىڭ, سونىڭ ىشىندە ۆيرۋسقا قارسى جانە قىزۋدى تومەندەتەتىن پرەپاراتتاردىڭ بولۋى اپتا سايىن تەكسەرىلەدى.
– بۇگىنگى تاڭدا كوروناۆيرۋستىق ينفەكتسيانى ەمدەۋگە قاجەتتى پرەپاراتتار قالانىڭ بارلىق ءدارىحانالارىندا بار. قامتاماسىز ەتۋ شامامەن 90%-ءتى قۇرايدى. ءدارىحانا قويمالارىندا 1 ميلليوننان استام (1 037 مىڭ) قاجەتتى پرەپارات بار. سونىمەن قاتار, نارىقتى قانىقتىرۋ ءۇشىن تۇراقتاندىرۋ قورىنىڭ قاراجاتى ەسەبىنەن قالانىڭ ءدارىحانالارىنا دارىلىك پرەپاراتتاردى جەتكىزۋ جالعاسۋدا, بۇگىندە ول الماتى ءۇشىن شامامەن 5 ملرد تەڭگەنى قۇرايدى. قازىرگى كەزدە الماتىعا اكەلۋگە جوسپارلانعان 40,1 ملن دارىلىك زاتتار مەن مەديتسينالىق ماقساتتاعى بۇيىمداردىڭ 47,2 ملن (118%) اكەلىندى. 23,4 ملن تەڭگەنىڭ پرەپاراتتارى ساتىلدى. قۇنى 23,8 ملن تەڭگەلىك ءدارى قولدا بار, ونىڭ ىشىندە تومەندەتىلمەيتىن قالدىق 8 ملن قۇرايدى. وسىلايشا قالادا ەكى ايلىق بەرىكتىك قورى قالىپتاستىرىلدى, دەپ حابارلادى مينيسترلىكتىڭ ءباسپاسوز قىزمەتىنەن.
سونداي-اق الماتى قالاسىنىڭ جانە وبلىستىق ءدارىحانالاردا مەديتسينالىق ماسكالار مەن تەرمومەترلەر جەتكىلىكتى. سونىمەن قاتار ۆەدومستۆو بۇگىنگى تاڭدا ءدارى-دارمەك پەن جەكە قورعانىس قۇرالدارىنا جوعارى سۇرانىس جوق ەكەنىن اتاپ ءوتتى.
