ءىس-شاراعا پرەزيدەنت اكىمشىلىگى باسشىسىنىڭ ورىنباسارى ت.م. سۇلەيمەنوۆ, پارلامەنت ءماجىلىسى توراعاسىنىڭ ورىنباسارى پ.و. كازانتسەۆ, پارلامەنت ءماجىلىسىنىڭ بەيىندى كوميتەتىنىڭ توراعاسى, قارجى مينيسترلىگىنىڭ, ستراتەگيالىق جوسپارلاۋ جانە رەفورمالار, قارجىلىق مونيتورينگ اگەنتتىكتەرىنىڭ باسشىلارى, وڭىرلىك تەكسەرۋ كوميسسيالارىنىڭ توراعالارى قاتىستى.
ەسەپ كوميتەتىنىڭ ءتورايىمى ناتاليا گودۋنوۆا ءوز سوزىندە ەسەپ كوميتەتىنىڭ اۋديتورلىق جانە ساراپتامالىق-تالداۋ قىزمەتى ەسەپتى كەزەڭدە مەملەكەت باسشىسىنىڭ تاپسىرمالارىن ورىنداۋعا شوعىرلانعانىن اتاپ ءوتتى. سOVID-19 پاندەمياسى جاعدايىندا ەكونوميكانى قولداۋعا باعىتتالعان داعدارىسقا قارسى قاراجات, سونداي-اق كۆازيمەملەكەتتىك سەكتور اكتيۆتەرىنىڭ باسقارىلۋ تيىمدىلىگى تۇراقتى جانە ءجىتى باقىلاۋعا الىنىپ, مونيتورينگ جاسالىپ وتىردى.
توتەنشە جاعداي رەجيمى مەن قاتاڭ كارانتيندىك شەكتەۋلەرگە قاراماستان, ەسەپ كوميتەتى 117 وبەكتىدە 18 اۋديتورلىق ءىس-شارا وتكىزدى. اۋديتپەن 47 تريلليوننان استام تەڭگە قامتىلدى, بۇل 2019 جىلعا قاراعاندا 38%-كە ارتىق جانە 2018 جىلدىڭ ۇقساس كورسەتكىشىنەن 9 ەسە جوعارى.
ناتاليا گودۋنوۆا انىقتالعان بۇزۋشىلىقتاردىڭ ەداۋىر سوماسى 1,8 ترلن. تەڭگە - بيۋدجەت قاراجاتى مەن مەملەكەت اكتيۆتەرىن ءتيىمسىز جوسپارلاۋعا جانە پايدالانۋعا تيەسىلى ەكەنىنە نازار اۋداردى. ال قارجىلىق بۇزۋشىلىقتاردىڭ كولەمى قىسقارۋدا, 2020 جىلدىڭ قورىتىندىسى بويىنشا - 81 ملرد.تەڭگە.
ەسەپتى كەزەڭدە ءىس جۇزىندە شامامەن 16 ملرد. تەڭگە قالپىنا كەلتىرىلدى (وتەلدى). ۇكىمەتكە, مەملەكەتتىك ورگاندارعا, كۆازيمەملەكەتتىك سەكتور سۋبەكتىلەرىنە 364 ۇسىنىم مەن تاپسىرما جولداندى. ولاردىڭ 88%-ءى ورىندالدى, قالعاندارى بويىنشا ىسكە اسىرۋ مەرزىمدەرى ءالى كەلگەن جوق.
جۇرگىزىلگەن اۋديت قورىتىندىسى بويىنشا 97 لاۋازىمدى ادام تارتىپتىك جاۋاپتىلىققا, 44 لاۋازىمدى (جەكە) تۇلعا جانە 11 زاڭدى تۇلعا اكىمشىلىك جاۋاپتىلىققا تارتىلدى, 31 ماتەريال قىلمىستىق-جازالاۋ ارەكەتى بەلگىلەرىمەن قۇقىق قورعاۋ ورگاندارىنا جولداندى.
وتىرىستا سونداي-اق سولتۇستىك قازاقستان جانە ماڭعىستاۋ وبلىستارى بويىنشا تەكسەرۋ كوميسسيالارى توراعالارىنىڭ 2020 جىلعى ەسەپتەرى تىڭدالدى.
جالپى, وتىرىستا ەسەپ كوميتەتى مەن تەكسەرۋ كوميسسيالارىنىڭ اۋديتورلىق قىزمەتىنىڭ ءتۇيىندى كورسەتكىشتەرىنىڭ وڭ ءوسۋ ءۇردىسى اتاپ ءوتىلدى. اتالعان تەكسەرۋ كوميسسيالارىنىڭ توراعالارى مەملەكەتتىك اۋديت ورگانى رەتىندە ولاردىڭ ءرولىن كۇشەيتۋ, سونداي-اق كادر الەۋەتىن نىعايتۋ, جەرگىلىكتى بيلىك ورگاندارىنا دەگەن تاۋەلسىزدىك قاعيداتىن (قارجىلىق, ۇيىمداستىرۋ جانە ت.ب.) ساقتاۋ بويىنشا شارا قابىلداۋ جونىندە ۇسىنىستار ايتتى.
2021 جىلعا ارنالعان باسىم مىندەتتەردى تالقىلاۋ بارىسىندا ەسەپ كوميتەتى كەڭەيتىلگەن وتىرىسقا قاتىسۋشىلاردى 2021-2025 جىلدارعا ارنالعان دامۋ ستراتەگياسىنىڭ جوباسىمەن تانىستىردى. قۇجات ينتوساي IDI (SAI PMF) جوباسى شەڭبەرىندە حالىقارالىق ساراپشىلارمەن بىرلەسىپ ازىرلەندى. دامۋ ستراتەگياسى الدىڭعى قاتارلى شەتەلدىك جوعارى اۋديت ورگاندارىنىڭ ۇزدىك پراكتيكالارىنا نەگىزدەلگەن.
جوبادا ەسەپ كوميتەتى تاياۋداعى بەس جىلعا نەگىز قالاۋشى قۇندىلىقتار رەتىندە ءوز قىزمەتىنىڭ تاۋەلسىزدىگىن, ەسەپتىلىگى مەن ترانسپارەنتتىلىگىن قامتاماسىز ەتۋدى ايقىنداعانى اتاپ ءوتىلدى.
سونىمەن قاتار, قازاقستاننىڭ جوعارى اۋديت ورگانى قوعامعا, مەملەكەت باسشىسىنا جانە پارلامەنتكە ەسەپ بەرەتىن ۇلتتىق رەسۋرستاردى باسقارۋداعى اناعۇرلىم ءتيىمدى مەنەدجەر رەتىندە ەل ۇكىمەتىنىڭ قالىپتاسۋىنا جاردەمدەسەتىن بولادى. 
قازاقستاننىڭ جوعارى اۋديت ورگانىنىڭ الدىندا تۇرعان 2021 جىلعا ارنالعان نەگىزگى مىندەتتەرىنىڭ ءبىرى – مەملەكەت باسشىسىنىڭ ەلىمىزدىڭ تابىستى دامۋىندا الەۋمەتتىك-ەكونوميكالىق ماڭىزى بار اۋديتورلىق جانە ساراپتامالىق-تالداۋ ءىس-شارالارىنىڭ كەشەنىن جۇرگىزۋ جونىندەگى تاپسىرمالارىن ودان ءارى ورىنداۋ.
ءىس-شارا قورىتىندىسى بويىنشا ەسەپ كوميتەتىنىڭ اپپاراتىنا ءتيىستى تاپسىرمالار جانە وڭىرلىك تەكسەرۋ كوميسسيالارىنا ۇسىنىمدار بەرىلدى.
