«جاقىندا اتىراۋلىق فۋتبول كلۋبىنىڭ باسشىلارى ارام ۆوسكانيانمەن جاسالعان كەلىسىم-شارتتى ۇزارتتى. باس باپكەر الداعى ماۋسىمدا كوماندانى جاتتىقتىرۋدى جالعاستىرادى. قازىر نەگىزىنەن جەرگىلىكتى ويىنشىلاردان قۇرالعان كوماندا تۇركيادا وتەتىن وقۋ-جاتتىعۋ جيىنىن وتكىزۋدە» دەپ حابارلادى كلۋبتىڭ ءباسپاسوز قىزمەتى.
ال ارام ۆوسكانيان دەگەن كىم ەدى؟ ول بۇرىن «بانانتس», «ارارات», «پيۋنيك», «ميكا» (ارمەنيا), «لوكوموتيۆ», «بالتيكا» (رەسەي), «لوكوموتيۆ» (وزبەكستان) كلۋبتارىنىڭ قۇرامىندا جاسىل الاڭعا شىقتى. ال, 2004-2008 جىلدارى «ەسيل-بوگاتىر» (پەتروۆاۆل) فۋتبول كلۋبىندا ونەر كورسەتىپ, 137 ويىندا 41 گول سوقتى.
ول باس باپكەر رەتىندە تانىمال بولدى. ماسەلەن ول جاتتىقتىرعان «ميكا» كومانداسى 2012 جىلى, ال «بانانتس» كلۋبى 2018 جىلى ارمەنيانىڭ سۋپەركۋبوگىن جەڭىپ الدى. سونداي-اق «بانانتس» كومانداسى مۇنىڭ الدىندا, ياعني 2016 جىلى ارمەنيا كۋبوگىنىڭ يەگەرى اتانىپتى.
