№36 قالالىق ەمحانانىڭ پۋلمونولوگ-دارىگەرى, مەديتسينا عىلىمىنىڭ كانديداتى دامە سايلانوۆا كوروناۆيرۋستىق ينفەكتسياسىمەن اۋىرعان پاتسيەنتتەر تۋرالى ايتتى.
ماماننىڭ ايتۋىنشا, Covid-19 اۋرۋىمەن اۋىرعان پاتسيەنتتەردىڭ دەنساۋلىعىنىڭ جاعدايى ءارتۇرلى, اۋرۋشاڭدىقتى كوتەرە الۋىنا بايلانىستى.
ەگەر اۋرۋ ادام وكپەسىنىڭ 75-80% مولشەرى زاقىمدانىپ جاساندى وكپەنى جەلدەتۋگە قوسىلسا, وندا پاتسيەنتتە ۇزاق ۋاقىت السىزدىك ورىن الىپ, بۇلشىقەتتەرى, كەۋدەسى اۋرىپ, كەزەڭدى تۇردە شالا قىزۋلى تەمپەراتۋراسى بولىپ ەندىگىپ قالاتىن كۇيدە بولادى.
اۋرىپ بولعاننان كەيىن قالپىنا كەلۋ كەزەڭى ءبىر ايدان ءبىر جىلعا دەيىن سوزىلۋى مۇمكىن. وكپەسى زاقىمدانعان پاتسيەنتتەردە پنەۆموفيبريوز تۋىنداۋى, ياعني رەنتگەنگە تۇسكەن كەزدە تىگىس سەكىلدى كورىنەدى. وسىعان بايلانىستى, پاتسيەنتتە كوبىنەسە سوزىلمالى جەتكىلىكتى ترۇدە تىنىس الۋى جانە وكپەنىڭ سوزىلمالى اۋرۋلارى ءورشيدى.
«كوروناۆيرۋسپەن اۋىرعان پاتسيەنتتەردىڭ كەيبىرەۋىندە جالپى السىزدىك, تەز شارشاعاندىق, اشۋلانشاقتىق, كوڭىل كۇيىنىڭ ءجيى وزگەرۋى, ۇيقىسىنىڭ بۇزۋىلۋى, دەپرەسسيا مازاسىن الادى, مۇنداي كەزدە ەمدەۋ شاراسىن جۇرگىزىپ ورگانيزمدى بەكىتۋ قاجەت. اۋىر وتكەن كوۆيد پنەۆمونياسىنان كەيىنگى پاتسيەنتتەردى ءبىز, كورسەتكىشتەرى بويىنشا, وكپەنىڭ جەلدەتۋىن جاقسارتۋ, مازاسىزدانى جانە دەپرەسسيانىڭ الدىن الۋ, ءومىر ءسۇرۋىن جاقسارتۋ ماقساتىندا وڭالتۋ ورتالىقتارىنا جىبەرەمىز.
وڭالتۋ ءۇردىسىنىڭ ۇزاقتىلىعى 14 كۇنگە دەيىن سوزىلادى. ول جەردە رەابيليتولوگ دارىگەرلەردىڭ باقىلاۋىندا بولىپ, دەپرەسسيا بەلگىسى انىقتالعان پاتسيەنتتەرمەن پسيحولوگتار جۇمىس جاسايدى, سونداي-اق, فيزيوتەراپەۆتتىك ەمشارالار جۇرگىزىلىپ, كەۋدە كلەتكاسىنا ۋقالاۋ جاسالادى جانە ت.ب. شارالار قاراستىرىلادى», – دەپ ءتۇسىندىردى دامە سايلانوۆا.
وكپە زاقىمدانۋى 50-60% مولشەرىندە بەلگىلەنگەن پاتسيەنتتەردە وكپە كلەتكاسى 5-6 اي ارالىعىندا قالپىنا كەلەدى.
اۋىر وتكەن كوۆيد پنەۆمونياسىنان كەيىنگى قالپىنا كەلۋ ءۇردىسى – وڭاي ءارى تەز وتەتىن ءۇردىس ەمەس, دەيدى دارىگەر. ءار ادامدا قالپىنا كەلۋ ۋاقىتى ءارتۇرلى بولادى, ول ادام اعزاسىنا جانە ول ادامدا بولاتىن سوزىلمالى اۋرۋعا بايلانىستى.
ءسوزىنىڭ اياعىندا مامان كوروناۆيرۋس ينفەكتسياسىمەن اۋىرعان ادامدارعا بەلسەندى قوزعالۋعا, تىنىس اۋلۋ گيمناستيكاسىن جاساۋعا, تازا اۋادا ءجيى سەرۋەندەۋگە, اقۋىزى بار تاماقتاردى كوپ جەۋگە, جەمىس-جيدەك پەن كوكونىستەردى كوپتەپ جەۋگە, سۇيىقتىقتى, سورپانى ىشۋگە جانە ەت تاعامدارىن جەۋگە كەڭەس بەردى.
ەستەرىڭىزگە سالا كەتەيىك, الماتىدا 1 اقپاننان باستاپ مەديتسينا قىزمەتكەرلەرىنىڭ COVID-19-عا قارسى ۆاكتسيناتسياسى باستالدى. بارلىق ەگۋ پۋنكتتەرى اقپاراتتىق-ءبىلىم بەرۋ ماتەريالدارىمەن قامتاماسىز ەتىلگەن, ەگىلگەندەرگە ارنالعان بەلگىلەنگەن ۇلگىدەگى بەيدجدەر بار, «جەدەل جەلى» ۇيىمداستىرىلعان.
الماتى اكىمدىگى قالا تۇرعىندارى مەن قوناقتارىن كوروناۆيرۋستىق ينفەكتسيانىڭ الدىن الۋ شارالارىن كۇشەيتۋگە – بەتپەردە رەجيمىن, الەۋمەتتىك قاشىقتىقتى ساقتاۋعا, مۇمكىندىگىنشە قوعامدىق ورىندارعا, اسىرەسە ناشار جەلدەتىلەتىن جابىق ورىندارعا (عيماراتتارعا) بارۋدان باس تارتۋعا شاقىرادى.
