قاسىم-جومارت توقاەۆقا مينيسترلىكتىڭ 2020 جىلى اتقارعان جۇمىستارىنىڭ ناتيجەلەرى, پرەزيدەنت جولداۋىندا قارجى سالاسىنا قاتىستى ايتىلعان تاپسىرمالارىنىڭ ورىندالۋ بارىسى, ۆەدومستۆونىڭ الداعى نەگىزگى مىندەتتەرى جايىندا باياندالدى.
مينيستر بيۋدجەتتىڭ تەڭ ءبولىنۋىن قامتاماسىز ەتۋ, سالىق-كەدەن اكىمشىلىگىن تسيفرلاندىرۋ, كولەڭكەلى ەكونوميكانىڭ كولەمىن ازايتۋ, مەملەكەتتىك اكتيۆتەردى باسقارۋدىڭ تيىمدىلىگىن ارتتىرۋ, ساتىپ الۋ مەن مەملەكەتتىك اۋديت جۇيەلەرىن جەتىلدىرۋ تۋرالى ايتتى.
مەملەكەت باسشىسى ءۇش جىلدىق رەسپۋبليكالىق بيۋدجەتتى وڭتايلاندىرۋعا جانە ساپالى ازىرلەۋگە قاتىستى بىرقاتار تاپسىرما بەردى. قاسىم-جومارت توقاەۆ سالىق-كەدەن اكىمشىلىگىن تسيفرلاندىرۋ جۇمىسىن تولىق ويلاستىرىپ, بەلگىلەنگەن مەرزىمدە ورىنداۋدىڭ ماڭىزدىلىعىن اتاپ ءوتتى.
پرەزيدەنت مەملەكەتتىك ساتىپ الۋ تۋرالى زاڭنامانى جەتىلدىرۋ قاجەتتىگىنە توقتالدى. ونىڭ ايتۋىنشا, ۇسىنىلىپ وتىرعان بارلىق جاڭا زاڭنامالىق باستامالار ابدەن پىسىقتالۋى ءتيىس.
قاسىم-جومارت توقاەۆ مەملەكەتتىك اۋديتورلىق قىزمەت ءتيىمدى بولۋى قاجەت جانە رەسمي ورگانداردىڭ نەگىزسىز بيۋدجەتتىك شىعىندارىن انىقتاپ, ونىڭ الدىن الۋ شارالارىنا باسا ءمان بەرۋى كەرەك دەپ سانايدى.
