«وزدەرىڭىزگە بەلگىلى, 2 قاڭتاردا پاۆلودارداعى قيىن جاعدايعا تاپ بولعان بالالاردى قولداۋ ورتالىعىندا قايعىلى جاعداي بولدى. 3 قىز ۋلانىپ, بىرەۋى كوز جۇمدى. ول اتا-اناسىنىڭ قامقورلىعىنسىز قالعان قىز. اتا-اناسى قۇقىعىنان ايىرىلعان. قازىر بۇل ءىس بويىنشا قىلمىستىق كودەكستىڭ 371 بابىنا سايكەس (ادام ومىرىنە قاۋىپ توندىرگەن سالاقتىق), تەرگەۋ امالدارى ءجۇرىپ جاتىر», دەدى ءدىنيسلام بولاتحان ۇلى.
باسقارما باسشىسىنىڭ ايتۋىنشا, قازىرگى ۋاقىتتا اتالعان ورتالىقتىڭ 1 مەدبيكەسى, 2 تاربيەشىنىڭ كومەكشىسى, كۇزەتشى جۇمىسىنان كەتكەن. ورتالىق باسشىسى جۇمىستان بوساتۋ تۋرالى ءوتىنىش بەرگەن.
«بۇل قىزمەتكەرلەر ءوز ەرىكتەرىمەن جۇمىستان بوساتۋ تۋرالى ءوتىنىش بەردى. ءارى قاراي جۇمىس ىستەگىلەرى كەلمەيدى», دەدى ءدىنيسلام بولاتحان ۇلى.
ۋلانعان قىزدار پاۆلودارداعى وبلىستىق ومىرلىك قيىن جاعدايعا تاپ بولعان بالالاردى قولداۋ ورتالىعىنا وتكەن جىلدىڭ قازان ايىندا كەلگەن. ءبىر قىز ءارى قاراي شىعىس قازاقستان وبلىسىنداعى «دەۆيانتتى مىنەز-ق ۇلىقتى بالالارعا ارنالعان وبلىستىق ارنايى مەكتەپ-ينتەرناتىنا» جىبەرىلۋى كەرەك بولعان.
ايتا كەتەيىك, وتكەن جىلى اتالعان ورتالىقتا بولمەلەرگە بەينەباقىلاۋ كامەرالارىن ورناتۋ بويىنشا كوپشىلىك اراسىندا داۋ تۋعان ەدى.
«مەنىڭ جاتىن بولمەلەردە بەينەباقىلاۋ كامەرالارى بولعان كەزدە بۇل جاعدايدىڭ الدىن الۋ مۇمكىن بولار ما ەدى دەگەن جەكە ويىم بار. الايدا, بۇل ماسەلە وتكەن جىلى رەزونانس تۋدىرىپ, شەشىم بويىنشا كامەرالاردى الىپ تاستاعانبىز. بىراق زاڭ تالابىنا ساي ورتالىقتىڭ اۋماعى, دالىزدەر كورىنىپ تۇراتىنداي كامەرالار بار», دەدى ءدىنيسلام بولاتحان ۇلى. سونداي-اق باسقارما باسشىسى قىزداردىڭ انتيسەپتيك ءىشىپ ۋلانعانىنا قاتىستى پىكىر ءبىلدىردى.
«بالالار انتيسەپتيك ىشەدى دەگەن ەشكىمنىڭ ويىنا ءۇش ۇيىقتاسا دا كەلمەيدى. الايدا, انتيسەپتيك بارلىق جەرلەردە قولجەتىمدى ورىندا تۇرۋ كەرەك. ول سوعان ارنالعان. كىرگەن كەزىندە انتسەپتيكتى قولدانىپ, قاۋىپسىزدىگىن قامتاماسىز ەتۋى ءتيىس. بۇل ساباق بولدى», دەدى ءدىنيسلام بولاتحان ۇلى.
پاۆلودار وبلىسىندا ومىرلىك قيىن جاعدايعا تاپ بولعان بالالاردى قولداۋعا ارنالعان 2 ورتالىق بار. ورتالىقتاردا 73 بالا تۇرادى. پاۆلودارداعى ورتالىقتا – 29, ەكىباستۇزداعى ورتالىقتا – 44 بالا بار. ورتالىققا 3-18 جاس ارالىعىنداعى بالالار كەلەدى. ورتا ەسەپپەن ءار بالا ورتالىقتا 3-6 اي ارالىعىندا بولادى. وعان قوسا, ورتالىقتا تۇراقتى بولاتىن توپ بار. ول توپتا 10 بالا بار.
ەسكە سالايىق, 2 قاڭتار كۇنى ساعات 18:30-دا وبلىستىق بالالار اۋرۋحاناسىنا جەدەل جاردەممەن 2003 جىلى تۋعان قىز بالا جەتكىزىلگەن. ول وبلىستىق ومىرلىك قيىن جاعدايعا تاپ بولعان بالالاردى قولداۋ ورتالىعىنان ەس-ءتۇسسىز كۇيدە جەتكىزىلدى. قىز بالا بەلگىسىز زاتتىڭ ۋلى اسەرى دياگنوزىمەن ءتۇستى.
باس ميىنىڭ ىسىنۋىمەن جانساقتاۋ بولىمىنە جاتقىزىلدى. ينتەنسيۆتى تەراپيا باستالدى. جاسالعان ەمدەۋ شارالارىنا قاراماستان ساعات 20:00-دە جۇرەگى توقتادى.
