تەك 2021 جىلدىڭ باسىنان بەرى 100 مىڭنان استام ءولىم جاعدايلارى تىركەلگەن. 330 ميلليونعا جۋىق حالقى بار ەلدە كۆي-ءدى 26,5 ميلليوننان استام ادام جۇقتىرعان.
گەرمانيانىڭ دەنساۋلىق ساقتاۋ ءمينيسترى يەنس سپان ەلدەگى ەپيدەمياعا قارسى شارالاردى جەڭىلدەتۋ مۇمكىندىگى تۋرالى مالىمدەدى. ء«بىز قىس بويى قاتاڭ لوكداۋندا بولا المايمىز», دەدى دەنساۋلىق ساقتاۋ ءمينيسترى.
ەڭ الدىمەن, مەكتەپتەر مەن مەكتەپكە دەيىنگى مەكەمەلەردى اشۋ جايىندا باياندادى. «كەلەسى اپتادا بۇل 15 اقپاننان كەيىن نەمەسە ءسال كەشىرەك بولاتىنىن انىقتايمىز», دەدى مينيستر. تۇركيادا كوروناۆيرۋستىڭ ەكى جاڭا شتاممدارى تابىلدى. بۇل تۋرالى دەنساۋلىق ساقتاۋ ءمينيسترى فاحرەتتين كوجا مالىمدەدى.
ء«بىزدىڭ ەلدە بريتاندىق شتاممنان باسقا, وڭتۇستىك افريكالىق شتاممىنىڭ ەكى جاعدايى جانە برازيليالىق ءتۇرىنىڭ ءبىر جاعدايى تىركەلگەن», دەدى ول. تۇركيادا كوروناۆيرۋس ينفەكتسياسى 2 ميلليون 259 مىڭ ادامدا راستالىپ, 26,3 مىڭ ناۋقاس قايتىس بولعان.
چەحيادا پاندەميا باستالعاننان بەرى COVID-19 جۇقتىرعانداردىڭ سانى 1 ميلليون ادامنان استى. وسىلايشا, 10,7 ميلليون حالقى بار ەلدە حالىقتىڭ شامامەن 10 پايىزى ىندەتكە شالدىققان. سوڭعى تاۋلىكتە SARS-CoV-2 جۇقتىرۋدىڭ 9 057 جاڭا جاعدايى انىقتالعان, 16 683 ادام قايتىس بولعان.
اۋستراليا پرەمەر-ءمينيسترى سكوتت مورريسون COVID-19 ۆاكتسيناسىنىڭ قوسىمشا 10 ميلليون دوزاسىن ساتىپ الاتىنىن ايتتى. بيلىك حالىقتى ۆاكتسينالاۋدى اقپان ايىنىڭ سوڭىندا باستاماق, اپتا سايىن 80 مىڭ دوزاعا دەيىن ەگۋ جوسپارلاپ وتىر.
